Fotolar: Úkimettiń baspasóz qyzmeti
Túrkistan oblysynda qosymsha jer telimderinde shegirtkege qarsy óńdeý sharalary júrgiziledi. О́ńdelgen 260 myń gektardan basqa, óńirde 50 myń gektardan astam taralý ýchaskeleri anyqtaldy. Qosymsha óńdeý oblystyń Arys qalasynda, Saryaǵash, Keles, Ordabasy, Shardara aýdandarynda júrgiziledi. Oblys ákimdigi aqparaty boıynsha, qosymsha óńdeý 70 birlik jerústi tehnıkasynyń kómegimen júrgizilip jatyr, oǵan qosa qosymsha 4 ushaq keldi. Qazirgi ýaqytta barlyq qajetti tehnıka kókónis-baqsha daqyldary alqaptarynyń aınalasynda shoǵyrlanǵan. Egistikke zııan kelgen joq.
Aqtóbe oblysynyń Áıteke bı aýdanynda shegirtke dernásilderi kóbeıe bastaǵan. О́ńdeýge arnalǵan tehnıka daıyn. Jalpy oblysta 76 birlik tehnıkany paıdalana otyryp, óńirdiń 12 aýdanynda 281 myń gektar jerge hımııalyq óńdeý júrgizildi. Shegirtkeniń paıda bolý oryndaryn tekserý jáne anyqtaý úshin 600-ge jýyq adam tartyldy. Olar fıtosanıtarııalyq ınspeksııa, ákimdik qyzmetkerleri jáne ýaqytsha qyzmetkerler. Shegirtkeniń belsendi ósý kezeńinde jumysty kúsheıtý úshin ákimdikke taǵy 14 birlik tehnıka qajet.
Qostanaı oblysynyń bes aýdanynda 29,4 myń ga aýmaqta hımııalyq óńdeý júrgizildi. Dernásilderdiń kóbeıý oryndaryna monıtorıng jasaý jáne anyqtaý úshin 129 tekserýshi jáne 326 ýaqytsha qyzmetker tartyldy. 72 birlik tehnıka ázir tur. Shegirtkege qarsy kúres jumystary fermerlermen birlesip júrgizilip jatyr.
«Biz bıylǵydaı shegirtkeniń taralý aımaǵyn buryn-sońdy kezdestirgen emespiz. Biz onyń taralýynyń yqtımal saldaryn jete baǵalamaımyz. AShM Memlekettik ınspeksııa komıtetine barlyq rásimdik máselelerdi dereý aıaqtaýdy jáne barlyq qajetti tehnıkany atalǵan óńirlerge jiberýdi tapsyramyn. Qarbalas ýaqytta biz shtab otyrysyn aptasyna eki ret ótkizetin bolamyz», dep túıindedi Serik Jumanǵarın.
