V Halyqaralyq jastar teatry festıvali máresine jetti

Iаǵnı bul apta olar úshin tanymal sahna sańlaqtarynyń sheberlik sabaq­taryna, leksııalarǵa, semınarlarǵa, shyǵarmashylyq zerthanalar men túrli tanystyrylymǵa toly boldy. Sondaı-aq teatr ártisteriniń katalogteri men jas dramatýrgterdiń pesalarynyń jınaqtary da usynyldy.

Forýmdy uıymdastyrǵan Halyqara­lyq teatr odaqtary konfederasııasy­nyń ókilderimen jáne qatysýshy elderdiń teatr qaıratkerleri kásipodaqtarynyń tóraǵalarymen kezdesken Mádenıet jáne aqparat mınıstri Aıda Balaeva mundaı is-sharalardyń elder men shyǵar­mashylyq ujymdar arasynda seriktes­tik ornatýǵa, mamandyq boıynsha táji­rıbe jáne bilim almasyp, óner­lerin ortaǵa salýǵa kóp septigi tıetinin atap ótti. Kezdesý barysynda mınıstr jastar forý­mynyń barlyq qatysýshysy­na mádenıet salasyn damytýǵa jáne nyǵaı­týǵa qosqan úlesi úshin alǵysyn bildirdi.

Osydan on shaqty jyl buryn qolǵa alynǵan ıgi joba jyl saıyn TMD-nyń ár elinde kezekpen atalyp ótip keledi. Joba jas teatr qaıratkerleriniń shyǵar­mashylyq baılanysyn etene jaqyn­dastyrýǵa, rejýssýra, dramatýrgııa, ssenografııa jáne teatrtaný salasyndaǵy talanttar men keleshegi zor kásipqoılardy taýyp, olardy ortaq múddege uıytýǵa, sondaı-aq teatr shyǵarmashylyǵynyń damý úrdisin talqylaýǵa úndeıdi.

Jastardyń bul aıtýly basqosýy – dástúrli túrde teatr ómiriniń ózekti máseleleri, sonyń ishinde teatr dástúri men ortaq mádenı keńistikti saqtaý, mádenı baılanystardy damytý másele­leri tóńiregindegi pikir almasý alańy bolyp qala beredi. Osy rette bizdiń eldegi tynysy ashylǵan jańa kezeńi de nazardan tys qalmaı, aıryqsha ataldy.

Jalpy, Almatyǵa ózimizdiń teatr maıtalmandaryn qosqanda Ázerbaıjan, Arme­nııa, Belarýs, Qyrǵyzstan, Mol­dova, Reseı, Tájikstan, О́zbekstan el­deri­nen eki júzden astam rejısser, dra­ma­týrg, akter, sahna sheberi, teatr syn­­shy­sy kel­di. Al qazylar alqasy festıvalǵa usy­nyl­ǵan toǵyz spektakldiń ishinen eń úzd­igin anyqtady. Bul oryn Evgenıı Kornıag­­tyń «Pachýpka» týyndysyn qoıǵan Bela­­rýs respýblıkalyq drama teatry­na buıyr­dy. Jeńimpaz ujym­ǵa aqshalaı syı­­lyq­pen jáne al­tyn qol­shatyr túrin­degi estelik syılyq­pen bir­ge TMD elderi jas­tar teatr forý­­my­nyń bi­rik­tirý­shi rá­mizi re­tin­de 2025 jyly álemdik sah­nalar­dyń úz­dik qoıy­lym­­daryn bir ar­naǵa to­ǵystyra­tyn jáne kezekti már­te Más­keýde shymyl­dy­ǵy túri­letin A.P.Chehov atyn­daǵy XVII Ha­ly­q­­ara­lyq teatr fes­tıvaline shaqyrý qaǵazy tapsyryldy.