Foto: inbusiness.kz
Máselen, turmystyq zorlyq-zombylyq faktileri boıynsha polısııaǵa túsken shaqyrtýlar:
2020 jyly – 179 096
2021 jyly – 155 177
2022 jyly – 115 526
2023 jyly – 99 026
2024 jyldyń 4 aıynda – 28 189 shaǵym túsken.
Turmystyq saladaǵy qylmystyq quqyq buzýshylyqtar, sonyń ishinde, densaýlyqqa aýyr zııan keltirý jáne kisi óltirý derekteri boıynsha kórsetkishter:
2020 jyly – 1071
2021 jyly – 1022
2022 jyly – 935
2023 jyly – 923.
Buǵan deıin jábirlenýshilerdiń kóp jaǵdaıda aryz jazýdan bas tartýyna baılanysty úı tırandaryna qatysty shara qoldaný prosesi toqtatylatyn edi. Zańǵa engizilgen túzetýlerden keıin, polısııa zorlyq-zombylyq faktisin tirkeýdiń anyqtaý sıpatyna kóshti. Iаǵnı, agressordy jábirlenýshiniń aryzynsyz-aq jaýapqa tartý múmkindigi paıda boldy.
«Kisi óltirý babynda balany óltirgen jaǵdaıda ómir boıyna bas bostandyǵynan aıyrý degen jaza qosyldy. Densaýlyqqa aýyr zııan keltirý men ortasha aýyrlyqta zııan keltirýdiń jazalarynan biz bostandyqty shekteý jazasyn alyp tastadyq. Aldaǵy ýaqytta olar tek qana bas bostandyǵynan aıyrylatyn bolady.
Uryp-soǵý men densaýlyqqa jeńil zııan keltirý baptary osy jańa zańmen qylmystyq jaýapkershilikke tartylady. Sondaı-aq taǵy da aıta keteıin, qınaý degen bap bar. Sol qınaý baby boıynsha da Bas bostandyǵyn shekteý jazasy alynyp tastaldy. Jaza tek bas bostandyǵynan aıyrý.
Taǵy da Qylmystyq kodekske buryn bolmaǵan jaýapkershilik engizildi. Ol 16 jasqa tolmaǵan jasóspirimderge qatysty jynystyq qolsuǵýshylyq jasaǵan tulǵalar qylmystyq jaýapkershilikke tartylatyn bolady», dedi IIM ákimshilik polısııa komıtetiniń erekshe tapsyrmalar jónindegi aǵa ınspektory Aqmaral Serikbaeva.
Zań «áıelderdiń quqyqtary men balalardyń qaýipsizdigin qamtamasyz etý» dep atalǵanymen, ol bárine ortaq bolady. Iаǵnı, zorlyq-zombylyq kórgen áıel, jasóspirimdermen birge er azamattar da shaǵymdanýǵa quqyly.
