Qýatty advokatýra – zań deńgeıin kórsetetin shart

Dóńgelek ústel jumysyna Senat depýtaty Amangeldi Tolamısov, Konstı­týsııa­lyq sottyń sýdıasy Aıjan Jat­qan­baeva, Respýblıkalyq advokattar alqa­sy­nyń ǵylymı-konsýltatıvtik keńe­siniń tóraǵasy Sergeı Sızınsev, Qazaqstannyń zań konsýltanttary Respýblıkalyq alqasynyń tóraǵasy Serik Aqylbaı qatysty.

Is-sharany ashqan PIB janyndaǵy Parlamentarızm ınstıtýty dırekto­ry­nyń orynbasary Berik Bekjanov bul is-shara advokattyq qyzmet pen zań­ger­lik kómek týraly zańnamany jetil­dirý bo­ıynsha úlken jumystyń bastaýy ­bolatynyna senim bildirdi.

Prezıdent Qasym-Jomart Toqaev Ulttyq qoǵamdyq senim keńesiniń besinshi otyrysynda «Kúshti jáne táýelsiz advokatýrasyz quqyqtyq memleket qurý múmkin emes», dep atap ótkeni belgili. Depýtattardyń bastamasymen is júrgizý zańnamasyn jetildirý, advokattyq qyz­met pen zań kómegin kórsetý, daýlardy sottan tys jáne sotqa deıingi sheshý máseleleri jónindegi zań jobasy qazirgi ýaqytta Májiliste qaraýda jatyr.

Zań jobasynyń bastamashysy bolǵan depýtattardyń pikirinshe, engizilgen ózgerister men tolyqtyrýlar advokattar men zań konsýltanttary qyzmeti­niń táýelsizdiginiń tıisti kepildikterin jasaýǵa, azamattarǵa joǵary sapaly zań kómegin kórsetýge, advokattardyń is júrgizý ókilettikterin keńeıtýge jáne advokattyq tájirıbeniń kepildikterin qamtamasyz etýge baǵyttalǵan.

Dóńgelek ústel basynda advokattyń prosessýaldyq ókilettikterin keńeıtý, zań­gerlik tájirıbege kepildik berip, ad­vokattyń qyzmetine kedergi keltirgeni úshin jaýapkershilik týraly normalardy qaıta qaraý, memleket kepildik ber­gen zań qyzmetin kórsetý, kásipke «kirý» jáne ókilettikterin toqtatý, advokattyq jáne zańgerlik kómekti uıym­dastyryp, klıent­termen qarym-qatynas baǵyttary, advokatýra qyz­me­tin uıymdastyrýdy kúsheıtý, tártip­tik jaýapkershilik negizderi sekildi máse­leler talqylandy.

Aıta keteıik, otyrysqa onlaın rejimde TMD elderinen de zańger­ler, atap aıtqanda, Ázerbaıjan Respýb­lı­kasy advokattar alqasynyń tóraǵa­sy Anar Bagırov, Qyrǵyz Respýblıka­sy advokattar alqasy advokattar keńesi­niń múshesi Aıjan Qadyrova, Tájikstan Respýblıkasy Zańgerler oda­ǵynyń tór­aǵasy Alısher Haıdarov, t.b. qatysty.