Qaýipsizdikti nyǵaıtý – damý ólsheminiń biri

Prezıdent Qasym-Jomart Toqaevtyń saılaýaldy baǵ­dar­la­masynda «Ádiletti Qazaqstan: bárimiz jáne árqaısymyz úshin. Qazir jáne árdaıym» qu­qyq buzý­shylyqtyń aldyn alý júıe­siniń tıimdiligin artty­rý, aza­mattardyń quqyqtyq tár­tip­ti qamtamasyz etý jónindegi sheshim­derdi ázirleýge qatysýyn keńeıtý mindeti qoıylǵan bolatyn.

Atalǵan mindetke qol jetkizý maqsatynda qazir el Úkimeti quqyq buzýshylyqtardyń aldyn alý týraly zań jobasyn ázirleý ústinde. Ol qazirgi qoldanystaǵy «Quqyq buzýshylyqtardyń aldyn alý týraly», «Turmystyq zorlyq-zombylyqtyń aldyn­ alý týraly», «Kámeletke tol­maǵandar arasyndaǵy qu­qyq buzýshylyqtardyń aldyn alý týra­ly, balalardyń qada­ǵa­laýsyz jáne panasyz qalýy­nyń aldyn alý týraly», «Bas bos­tan­dyǵynan aıyrý oryndary­nan bosatylǵan adamdardy­ ákim­shilik qadaǵalaý týraly», son­daı-aq «Azamattardyń qoǵam­dyq tártipti qamtamasyz etýge qatysýy týraly» bes zańdy birik­tirmek. Al Parlamentarızm ıns­tı­týty qujatqa óziniń túze­týleri men usynystaryn daıyndaıdy.

Dóńgelek ústelge qatys­qan Parlament depýtattary, mem­lekettik organdardyń ókil­deri, sarapshylar men ǵalym­dar atap ótkendeı, quqyq buzý­shy­lyqtyń aldyn alý salasynda biryńǵaı zań ázirleýdiń ýaqyty keldi. Zańnyń qabyldanýy halyq­tyń quqyqtyq qorǵalýyn jaq­sartady jáne quqyq qoldaný tájirıbe­sin jeńildetedi. Onda jaýapty organdardyń quzy­retteri, salaaralyq úı­les­tirý tetikteri jáne quqyq buzý­­shylyqtardyń aldyn alý qural­dary naqty jazylýy kerek.

Parlamentarızm ınstı­tý­tynyń norma shyǵarý jónindegi atqarýshy dırektory Almas Qanatov eldiń qaýipsizdik deń­geıi onyń damýynyń negizgi ólshem­deriniń biri ekenin atap ótti. Sonymen qatar Senat depýtaty Naýryzbaı Baıqadamov, Prezıdenttik ortalyq dırek­tory­nyń orynbasary Serik Sy­dyqov, Parlamentarızm ıns­­­tı­­­týtynyń sarapshysy, zań ǵy­lym­­darynyń doktory Álibek Temerbekov, IIM Ákimshilik polısııa komıtetiniń aldyn alý qyzmeti basqarmasynyń basshysy Rýslan Qarjasbekov, «Astana» halyqaralyq ýnıversıtetiniń dosenti Erjan Jambaev zań joba­synyń normalaryna qatysty oı-pikirin ortaǵa saldy.

Dóńgelek ústeldiń qory­tyn­dysy boıynsha daıarlanǵan usynymdar odan ári qaraý úshin ýákiletti organdar men Parla­mentke jiberiledi.