Er jigitke erlik jarasady

Bıyl aqpan aıynyń 29 jul­­­dyzynda Se­meı­ qala­synyń Qa­ra­­ǵaı­ly­ shaǵyn aýdanynda qyl­mys­kerdi quryqtaý sátinde erlik kórsetken Abaı oblysy polısııa departamenti Semeı qalasy polısııa bólimi kavalerııa bólim­shesiniń aǵa serjanty Ashat Ahatov týraly aqpar ta­rady. Ol Qaraǵaıly shaǵyn aýda­nynyń ýchaskelik polısııa qyzmetkerine kómek qajet ekenin estip oqıǵa ornyna lezde barady. Qasyndaǵy áriptesterimen birge qylmyskerdi ustaýǵa bekinedi. Alaıda Ashat kútpegen jerden qarsy shabýylǵa tap bolady. Pyshaq jaraqatyn alsa da, so­ńyna deıin kúresip, kúdiktini qolǵa túsi­redi.

Basyn báıgege tigip, qaýip-qa­terden taısalmaı er minezdilik ta­nytý – ekiniń biriniń qolynan kele bermeıtin is. Basqa qarý­las­ta­ryn kútip te sheshim qabyl­­daýyna bo­latyn edi. Biraq bul dege­nińiz oı­la­nyp-tolǵanatyn is emes eke­nin esti jannyń baǵamdaıtyny ras. О́zi qaýipti qylmysker bolsa, qolynda qarýy bolsa, onda qorshaǵan aınalasyna, eń bastysy, qoǵamǵa da qaýipti adam ekeni túsinikti. Ashat shuǵyl sheshim qabyldap, onyń jolyna kese kóldeneń turyp tapjyltpaı ustaýǵa kúsh saldy.

Ashat Medyhatuly 1997 jyly Abaı oblysynyń Jarma aýda­nyn­daǵy Jaryq aýlynda dúnıege kelgen. Týǵan aýy­lyndaǵy Jambyl atyn­daǵy orta mektepti bitirip, Semeı qalasyndaǵy Eýrazııalyq tehnı­ka-gýmanıtarlyq kolled­ji­ne jol qozǵalysyn uıym­das­tyrý kafedrasyna oqýǵa túse­di. Oqý ornyn 2017 jyly oıǵa alǵanyndaı aıaqtap, jol qozǵa­ly­syn uıymdastyrý maman­dyǵyn alyp shyǵady. Áskerı boryshyn ótep kelgennen keıin 2019 jyly Semeı qalasy polısııa bólimi kavalerııa bólimshesine jumysqa kiristi. Aǵa serjant she­nin­de shekten shyqqandardy tártip­ke shaqyryp, qyzmetin abyroıly atqa­­ryp keledi.

Ákesi Medyhat Faızýllın Ja­ryq eldi mekeninde elektrshi qyz­me­tin atqarsa, anasy Gúlsan Muha­met­ká­rimqyzy esepshi bolyp jumys isteıdi. Ashattyń apaıy men qaryn­da­sy da ómirden óz oryndaryn tapqan jan­dar. Bala kúninen bastap tártip saq­shysy bolýdy qııaldaǵan ol arma­ny­nyń oryndalǵanyna dán rıza. Aldyńǵy býyn ókil­derinen kóp nárseni úırenip júr. Árdaıym ótip turatyn oqý-jat­ty­ǵý jıynda­ryna qatysyp, qoǵamǵa, adam­dar­ǵa qaýip tóngende qalaı áreket etý kerek ekenin meńgerýge tyrysady.

Pyshaq jara­qa­tyn alǵan oqı­ǵa­ jaıynda sura­­­ǵanymyzda, árip­tes­teriniń qoldaý kór­set­kenin basa aıtty. Mundaı oqıǵa dál basynan jıi ótip turmasa da qyzmet babynda únemi betpe-bet keletinin jetkizdi. Ana júregi qashanda balasyna buryp turatyny ras. Balasynyń jaraqat alǵanyn estigende, et jaqyndarynyń ishin­de anasy men qaryndasy qatty alań­daý­shylyq bildirgen kórinedi.

Qyl­mys­kerdi quryqtaýda qy­ra­ǵy­lyq ta­nytqan polısııa serjanty Ashat Aha­tovtyń kózsiz erligi kim-kimge de bolsa úlgi. Árip­tester arasynda alǵysqa bólenip júrgen jigittiń shyǵar taýy bıik, jeter jetistigi kóp bolaryna taýdaı talaby, boıyna bitken qaısarlyǵy kýá.

Abaı oblysy