Foto: peakpx
Ile aýdany bilim bóliminiń málimetinshe, buǵan deıin otbasy esepte turmaǵan.
«Otbasynda balalarǵa zorlyq-zombylyq kórsetý týraly eshqandaı derek tirkelmegen. Ádette anasy men ákesi birge turmaıtyn nemese balalary bólek turatyn otbasylar týraly aqparatty jınaqtaımyz. Bul otbasy esepte turmaǵan», dedi Ile aýdanynyń bilim bóliminiń sektor meńgerýshisi Mahabbat Bıshanǵalıeva.
Bul rette aýyl ákimi 5 jasar qyzdyń daýn sındromyna shaldyqqanyn rastady. Qyzdyń ákesi IT mamany bolyp jumys istegen-mys. Kórshileri olardyń qarapaıym otbasy bolǵanyn alǵa tartty.
«2018 jyly týǵan qyz áli mektepke barmaǵan, ol Almatynyń Túrksib aýdanyndaǵy jekemenshik balabaqshanyń mektepaldy daıarlyq tobyna barǵan edi», dep qosty bilim bóliminiń ókili.
Keıbir málimetterge súıensek, 41 jastaǵy áıel ózine qol salar aldynda Almatyda turatyn ápkesine baryp, qyzyna jasaǵan áreketin moıyndaǵan. Sodan keıin ol páterden shyǵyp, Almatynyń Ortalyq demalys saıabaǵyna bet alǵan kórinedi. Shamaly ýaqyttan keıin kelinshek attraksıonnan sekirip ketkeni belgili boldy.
Almaty oblysy prokýratýrasynyń habarlaýynsha, búldirshinniń ólimine qatysty QR QK 99-babynyń 3-bóligi boıynsha qylmystyq is qozǵaldy. Qazirgi tańda tergeý amaldary júrgizilip jatyr.
QR Qylmystyq-prosestik kodeksiniń 201-babyna sáıkes sotqa deıingi tergep-tekserý derekteri jarııa etilmeıdi.
