Kýrsanttan generalǵa deıin

Qala tórindegi «Almaty Theatre» atty sán-saltanaty kelisken ǵımaratta ishki ister organdary ardagerlerine, qyzmettik mindetin atqarý barysynda qaza tapqandardyń týystaryna, qalalyq polısııa departamentiniń qyzmetteri men bólimsheleriniń jeke quramyna arnalǵan merekelik konsertke Almaty qalasynyń ákimi Erbolat Dosaev ta ortaqtasty.

Alǵash ret tártip saqshy­la­­rynyń kúshimen IIM Aka­de­mııasynyń kýrsantynan gene­ralǵa deıin bir polıseıdiń damý tarıhyn somdaıtyn mıýzıkl qala tynyshtyǵyn saqtap otyrǵan kórermenderine jol tartty.

«Búginde Almaty polısııasy qylmysqa qarsy shabýyl­dyq kúresti júzege asyrý, quqyq­tyq tártipti nyǵaıtý jáne qala­da qaýipsizdikti qamtamasyz etý úshin barlyq qajetti jaǵdaı men múmkindikke ıe. Qazaqstannyń tártip saqshylary – memleket pen turǵyndardyń qaýipsizdigi­niń kepili. Biz qala turǵyndary men qonaqtarynyń qaýipsiz ómir súrýine jaǵdaı jasaı oty­ryp, Otan aldyndaǵy qyzmettik ­boryshyn adal atqaratyn po­lısııa qyzmetkerlerimen maq­tanamyz», dedi Almaty qalasy polısııa departamentiniń basshysy Arystanǵanı Zapparov.

Oraıy kelip turǵanda, otan­dyq polısııa ishki ister organ­darynyń qurylǵanyna 32 jyl tolyp otyrǵany, oǵan qosa qalada jańa polısııa ortalyqtary ashylyp jatqanyna toqtala keteıik. Mundaı ortalyqtar barlyq aýdanda qala ákimdiginiń jobalyq ofısiniń qoldaýymen qurylyp otyr. Búgingi tańda polısııa departamentiniń balansyna segiz úı-jaı satyp alynsa, olardyń altaýy tolyq jabdyqtalyp, 23 maýsymnan ­bastap jumysqa kiristi.

«Bul joba qanatqaqty re­jim­de Memleket basshysynyń tapsyrmasyna sáıkes polısııa jumysynyń servıstik modeli­ne kóshý boıynsha iske asyryla ­otyryp, qoǵammen ashyq dıa­log jáne turǵyndardyń sura­nystary­na jedel den qoıý­dy kózdeıdi. Ásirese turmys­tyq zorlyq-zom­­bylyqqa ushyra­ǵan­dar men jas­óspirimder arasyn­daǵy qyl­mystyń aldyn alýǵa erekshe kó­ńil bólinedi», dedi Almaty áki­mi Erbolat Dosaev.

Polısııanyń servıstik orta­lyqtarynda 55 qyzmet túri kór­setilse, mamandar kóshi-qon jáne ákimshilik zańnama, quqyq buzý­shylyqtardyń aldyn alý, otbasylarda zardap shekken áıelderdiń quqyqtaryn qorǵaý máselelerin sheshýge kómektesedi. Ol úshin barlyq jaǵdaı jasal­dy – ınspektorlar men psıholog­ter qabyldaıtyn jeke kabınet­ter jasaqtalyp jatyr.

О́z kezeginde kóshi-qon polı­sııa­synyń ınspektorlary shetel azamattaryn tirkeý nemese qaıta tirkeý boıynsha qyzmetter kórsetedi, Qazaqstannan tys jer­lerge kelý nemese ketý, aza­mattyqty alý jáne turaqty turý úshin qujattardy rásimdeıdi.

Sol sııaqty avtokólik ıeleri­ne JKO faktileri boıynsha ke­ńes berilip, avtokólikke ákim­shi­lik aıyppuldardyń, aýyrtpalyq­tar men shekteýlerdiń bar-jo­ǵyn tekserýge, kólik quralyn qaıta jabdyqtaý jónindegi qu­jattardy resimdeýge kómektesedi.

Ortalyqtarda zańgerler, me­dıatorlar, ishki ister organdaryna oqýǵa jáne qyzmetke qabyldaý jónindegi konsýltanttar, sondaı-aq qarý alyp júrýge jáne saqtaýǵa ruqsat berý jónindegi qyzmetkerler jumys isteıdi.

Azamattardy qabyldaýdy ýáki­letti quzyretti qyzmet­ker­ler – tergeýshiler, jedel ýákil­der, ýchaskelik ınspektorlar júrgizedi. Derekter bazasy qol jetimdi bolmaq, bul buryn berilgen ótinishti qaraý barysy týraly bilýge nemese jaýapkershilikke tartý sebepteri týraly aqparat alýǵa múmkindik beredi. Oǵan qosa Sıfrlandyrý basqarmasymen birlesken zııatkerlik beınebaqylaý júıesi jumys isteıdi, onyń kómegimen joǵalǵan zatty taýyp qana qoımaı, qylmysty jedel ashyp, quqyq buzýshylyqty anyqtaý jeńildeıdi.

Bolashaqta arhıvtik anyq­tamalar men basqa da qyzmet­terdi rastaýda polısııanyń ser­vıs­tik ortalyqtarynyń qyz­me­tin keńeıtý josparlanyp otyr.

ALMATY