foto: inbusiness.kz
Belgili bolǵandaı, marqum Aıdos Núsipbekov áriptesi Ernur Espaımen birge aǵashtardy qyrqyp, munaramen joǵary kóterilgen.
«Men eńkeıe bergende ony tok soǵyp jatqanyn ańǵardym. Dereý áriptesterimdi shaqyryp, oǵan alǵashqy kómek kórsetýge tyrystyq. Jedel járdem shaqyrdyq, biraq kesh boldy», deıdi marqumnyń áriptesi.
Aıdostyń týǵan-týystary oqıǵa ornyna jetkende, marqumnyń denesi máıithanaǵa jetkizilgenin bilgen. Olar er adamnyń qaýipsizdik erejelerin ózi buzbaǵanyn alǵa tartyp otyr.
«Aıdos bul salada 12 jyldan astam ýaqyt eńbek etti. Demek, tájirıbesi mol. Áýe jelisine kóterilip, jóndeýge kirispes buryn, olar barlyq symdardy ajyratýy kerek edi. Bul elektromonterlerdiń mindeti emes. Ol óziniń shala áreketinen jan tapsyrýy múmkin emes. Bizde eki nusqa bolyp tur. Biri - symdar ajyratylmaǵan nemese jumystyń aıaqtalýyn kútpesten tok berildi. Muny anyqtaý kerek», deıdi marqumnyń týystary.
Marqumnyń artynda anasy, jubaıy men úsh balasy qaldy. Onyń qaıtys bolý sebepterin anyqtaý úshin arnaıy komıssııa quryldy.
Qaraǵandy oblysy PD baspasóz qyzmeti málim etkendeı, Aıdos Núsipbekovtiń ólimine qatysty qylmystyq is qozǵalǵan. Tergeý QR QK-niń 156-babynyń 3-bóligi «abaısyzda adam ólimine ákep soqqan eńbekti qorǵaý erejelerin buzý» baby boıynsha bastalǵanyn atap ótken jón.
