Esirtkige qarsy kúres kúsheıtildi

Bul aýqymdy is-shara Ishki ister mınıstriniń tór­aǵa­lyǵymen, Prezıdent Ákim­shi­ligi, Úkimet Apparaty, orta­lyq memlekettik jáne jer­gilik­ti atqarýshy organdar ókil­­deri­niń qatysýymen ótken esirt­ki­ge qarsy shtab otyrysynda ashyl­ǵan bolatyn. Barlyq óńir­de ákim­diktermen esirtkige qarsy aldyn alý is-sharalaryn ótkizý jos­par­lary bekitildi.

Esirtkige qarsy respýb­lı­ka­lyq aılyq kezinde elimiz boıyn­sha 5 414 is-shara, onyń ishinde 310 aksııa, 103 semınar, 427 dáris jáne 359 kezdesý, 113 dóńgelek ústel, 432 sporttyq jarys, 150 pro­fılaktıkalyq sıpattaǵy baı­qaý ótti. Onyń jumystaryna nar­kolog-dárigerler, eriktiler, jer­­­gilikti atqarýshy organ­dar­­­dyń ókilderi, úkimettik emes uıym­dar men bilim berý me­ke­­me­leriniń qyzmetkerleri qa­tys­ty.

«280 myńnan astam jas­óspirim men jastardy qam­tyǵan is-shara­larda narkolog-dári­ger­ler jáne salamatty ómir sal­tyn qalyptastyrý orta­lyq­tary ózekti máseleler boıyn­sha­ azamattarǵa keńester uıym­das­tyrdy. Barlyq óńirde úki­met­tik emes uıymdarmen birlesip, esirt­ki saıttarynyń jarnama­sy bar graffıtı-jazýlardy anyqtaý men óshirý ju­mys­tary júrgizildi. Oǵan 500-ge jýyq erikti qaty­syp,

6 myńnan astam graf­fıtı boıaldy», deı­di IIM Esirtki qylmysyna qar­sy is-qı­myl departamenti bas­ty­ǵy­nyń oryn­basary Baqytjan Ámir­hanov.

Astanada «Han shatyr» saý­da-oıyn-saýyq orta­ly­ǵyn­da, son­daı-aq Esil ózeni­niń jaǵa­laýyn­daǵy amfı­teatrda «Astana – esirtkisiz qala!» aksııasy uıym­das­­tyryldy. Aýqymdy is-sha­raǵa otandyq estrada jul­dyzdary men sport sań­laq­tary, vokaldyq jáne bı ujymdary qatysty. 23 maýsymda Almatyda «Sadu Arena» sport kesheninde IIM Esirt­ki qylmysyna qarsy is-qımyl departamenti greplıngten halyq­aralyq týrnır ótkizdi. Oǵan bizdiń elimizben qatar Túrkııa, Ázer­baıjan, Qyrǵyzstan, О́zbek­stan jáne Tájikstan elderinen myńǵa jýyq sportshy qatysty.

Osyndaı aýqymdy is-sha­ra­­lar respýblıka boıyn­sha­­ ótti. «Halyqaralyq nasha­qor­­­lyqqa qarsy kúres kúnine oraı Ishki ister mınıstriniń buı­ryǵymen jergilikti atqarý­shy organdar men aza­mat­tyq qoǵamnyń 110 ókili gramotalarmen, Alǵys­hattarmen marapattaldy. Atal­ǵan is-sharalar jaıyn­da BAQ-ta 4 259 jarııalanym shyqty. Odan bólek Instagram, Facebook, YouTube jáne TikTok sekildi áleýmettik jelilerde respýb­lıkalyq aılyqtyń barysy keńinen nasıhattaldy», dedi IIM ókili B.Ámirhanov.