Foto: Sý resýrstary jáne ırrıgasııa mınıstrligi
Álı Akbar Mehrabıan ırandyq kompanııalar Ortalyq Azııada, atap aıtqanda, Qazaqstanda álemdegi eń iri bógetterdiń biri sanalatyn – «Bahtıarı» GES-ke uqsas aýqymdy jobalardy iske asyrýǵa nıetti ekenin jetkizdi. Sondaı-aq mınıstr Iran sýarmaly sýdy tasymaldaýdyń zamanaýı tehnologııalaryn usynýǵa daıyn ekenin jáne bul býlaný sebebinen bolatyn shyǵyndardy edáýir azaıtýǵa múmkindik beretinin málimdedi.
Nurjan Nurjigitov óz kezeginde mundaı jobalar Qazaqstannyń ońtústik óńirleri – Jambyl, Qyzylorda jáne Túrkistan oblystary úshin qajet ekenin atap ótti. Osy oraıda mınıstr ırandyq kompanııalardy kelissózder júrgizý úshin Qazaqstanǵa shaqyrdy.
«Bıylǵy sý tasqyny erigen qar sýyn qaýipsiz ótkizý jáne odan ári tıimdi paıdalaný úshin jańa sý qoımalary qajet ekenin kórsetti. Irandyq kompanııalar óte tabysty jobalardy júzege asyryp jatyr. Olardyń jumysynyń tıimdiligin kórgendikten ırandyq áriptesterimizben tyǵyz jáne uzaq merzimdi yntymaqtastyqqa daıynbyz», dedi Sý resýrstary jáne ırrıgasııa mınıstri Nurjan Nurjigitov.
