Foto: Sý resýrstary jáne ırrıgasııa mınıstrliginiń baspasóz qyzmeti
Elimiz boıynsha «Qazsýshar» kásiporynynyń barlyq fılıaldarynda merekelik is-sharalar ótti. Mereke kúni jalpy sany 281 maman marapattaldy: sý sharýashylyǵynyń 33 qyzmetkeri mınıstrdiń alǵys hatyn aldy, 158 maman Qurmet gramotasyn alsa, 80 mamanǵa «Sý sharýashylyǵynyń úzdigi» tósbelgisi tabystaldy.
Budan bólek, elimizdiń sý sharýashylyǵynyń 53 ardageriniń eńbegi erekshe atalyp ótti. Olarǵa «Sý sharýashylynyń ardageri» tósbelgisi tabystaldy.
«Biz úshin kez kelgen aýa raıyna qaramastan elimizdiń sý sharýashylyǵy nysandarynda kúsh-jigerin aıamaı eńbek etetinderge alǵys bildirý úlken mártebe. Sizderdiń kún saıynǵy qajyrly eńbekterińiz respýblıka men onyń ekonomıkasynyń damýyna eleýli úles qosady. Qazaqstandyqtardy eń mańyzdy resýrs – sýmen qamtamasyz etý jónindegi sizderdiń kúsh-jigerlerińiz qurmetke jáne eń joǵary baǵaǵa laıyq», dedi Sý resýrstary jáne ırrıgasııa mınıstri Nurjan Nurjigitov.
