Foto:https://www.facebook.com/dauren.seitzhanuly
Búginde elimizde 400 myńnan astam lýdoman bar. Bul 400 myńnan astam otbasynyń ǵana emes, memlekettiń basty áleýmettik dertine aınaldy. Osy oraıda jýrnalıst Dáýren Seıitjanuly jelide pikir bildirdi.
«Endi jańa zańnan keıin bás tigetinderdiń qatary azaıady. Sebebi, Boryshkerlerdiń birińǵaı tizilimine engen adamdar qumar oıyn oınaı almaıdy. Memlekettik qyzmette, quqyq qorǵaý organdarynda isteıtinderdiń de bás tigýine tyıym salyndy. Sonymen qatar býkmekerlik keńseler men totalızatorlardyń jarnamalaryna shekteý qoıyldy. Tek sportqa baılanysty is-sharalar men medıada ǵana jarnamalaýǵa ruqsat berildi», dep jazdy jýrnalıst Dáýren Seıitjanuly Facebook paraqshasynda.
Onyń pikirinshe, jańa zańnyń qabyldanýy lýdomanııaǵa qarsy júıeli ári tıimdi kúres júrgizýge negiz bolady.
