Foto: advisor.travel
Sý resýrstary jáne ırrıgasııa mınıstrliginiń basseındik ınspeksııalary 6 aıda sý zańnamasyn saqtaý boıynsha 55 tekseris júrgizip, 103 quqyq buzýshylyq anyqtaǵan, kemshilikterdi joıý boıynsha 42 nusqama berilgen.
Jalpy somasy 12,9 mln teńgege 143 ákimshilik aıyppul salynǵan, al 11,9 mln teńge kóleminde 127 ákimshilik aıyppul óndirildi, 16 ákimshilik is sotqa berildi.
«Mınıstrliktiń basseındik ınspeksııalary sý zańnamasynyń saqtalýyn qadaǵalaıdy. Quqyq buzýshylyqtarǵa qarsy kúresti kúsheıtý úshin vedomstvoda Sý resýrstaryn retteý, qorǵaý jáne paıdalaný jóninde komıtet quryldy. Bul sý resýrstaryn zańsyz paıdalanýdyń aldyn alýǵa múmkindik beredi. Jýyrda Jambyl oblysynda tekseris júrgizilip, nátıjesi boıynsha materıaldar Bas prokýratýraǵa jiberildi. Sý salasyndaǵy ashyqtyq mınıstrlik jumysynyń basym baǵyttarynyń biri. Sondaı-aq komıtet sýdy zańsyz paıdalanýmen, ony esepke alý derekteriniń burmalanýymen jáne elimizdiń sý nysandaryndaǵy quqyqqa qaıshy sharýashylyq qyzmetpen kúresetin bolady», dedi sala mınıstrliginiń resmı ókili Móldir Ábdýalıeva.
