Foto: Aqorda
Agenttik tóraǵasy memlekettik statıstıka men derekterdi basqarý negizderin ınstıtýsıonaldyq turǵydan kúsheıtý týraly baıandady. Onyń aıtýynsha, Ulttyq statıstıka bıýrosyna ákimshilik derekkózderge qatysty memlekettik baqylaý ókilettigi berildi. Jyl sońyna deıin toǵyz memlekettik organnyń derekter bazasy sapasyna baǵalaý júrgiziledi. Bul ákimshilik derekkózderi úshin sapa standarttary men halyqaralyq ádistemeni qoldanýǵa kómegin tıgizedi.
Memleket basshysyna Agenttiktiń ákimshilik jáne balamaly aqparat kózderin belsendi paıdalanýdy eskere otyryp, statıstıkalyq qyzmetti qysqa merzimdi josparlaýdan úsh jylǵa deıingi orta merzimdi josparlaýǵa kóshýi jóninde aıtyldy.
Jandos Shaımardanov atalǵan reformalar statıstıkalyq eseptilikti 2 esege deıin azaıtýǵa múmkindik beretinin jáne derekterdiń sapasy men resmı statıstıkaǵa degen senimdi arttyratynyn jetkizdi.
Kezdesý sońynda Prezıdent áleýmettik-ekonomıkalyq reformalardy jan-jaqty pysyqtaýdyń mańyzdy ekenine toqtalyp, Agenttik tóraǵasyna osy baǵyttaǵy jumystardy jalǵastyrýdy tapsyrdy.
