Komanda músheleriniń biri Ilfat Abdýllın qazaqstandyq olımpıadashylardyń qalaı ómir súretinin áńgimelep berdi.
- Biz búgin tańerteń jaıǵastyq. Tek tańǵy as iship úlgerdik. Bizdiń komanda Qazaqstan quramasy sapynan alǵash bop ornalasty. Endi qalǵan sportshylarymyzdy qarsy alamyz. Jaǵdaı jaqsy. Olımpıada atmosferasy keremet seziledi. Bári ádemi ári jaıly. Ashana jaıly tolyq eshteńe aıta almaımyn. Ázirge, mázirmen tolyq tanyspadyq. Munda bári bar dep oılaımyn. Odan bólek, qosymsha tamaqtaný oryndary, kofehanalar bar, - deıdi Abdýllın.
Onyń aıtýynsha, turǵyn úıler jaıly ári yńǵaıly.
«Nomerde bizge kerektiniń bári bar. Tek kondısıoner joq (kúldi). Dese de, Olımpıadalyq aýyldaǵy jaǵdaıdyń jaqsy ekenin aıtqym keledi. Eriktiler jaqsy kómektesip jatyr», - deıdi sportshy.
Olımpıadalyq aýylda 14,5 myńdaı adam turady. Onyń ishinde 9 myń sportshy bar. Qazaqstan komandasy sporttyń 25 túrinen 80 sportshyny jarysqa qosady.
