Barlyq qala men aýdanda sanıtarlyq tazartý sharalary ótti. Qural-jabdyqtarmen jabdyqtalǵan jergilikti bılik, qoǵamdyq uıymdar ókilderi, jastar, belsendiler jáne tazalyqqa beıjaı qaramaıtyn azamattar senbilikke úlken yqylaspen shyqty. Olar lastanǵan kóshelerdi, aýlalardy, saıabaqtar men alańdardy tazartty. Aıtalyq, Sátbaev qalasynyń eńbek ujymdary óndiristik kásiporyndardyń aýmaqtarynda tazalaý, syrlaý, ákteý jumystaryn júrgizdi. Sonymen qatar, turǵyn úılerdiń aýlalarynda da jumys qyzý júrip jatty. «Úzdik aýla» aksııasyn oblystyń barlyq PIK-tary qoldady. Turǵyndarmen birge olar birge tazalyq ornatyp, aǵashtardy sýaryp, gúlzarlardy retke keltirdi.
Jańaarqa jáne Ulytaý aýdandaryndaǵy senbilik negizinen bulaqtardyń jáne ózen-kólderdiń mańynda ótti. Ulytaý aýdanynyń turǵyndary kelýshilerge qolaıly jaǵdaı jasaý úshin «Kúmis bulaq», «Tasbulaq» bulaqtarynyń aınalasyn abattandyrý jumystaryn júrgizdi. Jańaarqalyqtar Sarysý ózeniniń jaǵasyn qoqystan tazartyp, shomylý oryndaryn retke keltirdi.
Jezqazǵan jáne Sátbaev qalalarynda mektepke deıingi mekemelerdiń aýmaǵynda «Qustarǵa qamqorlyq» aksııasy uıymdastyryldy. Aksııa aıasynda ata-analar balalarymen birge qustarǵa uıa jasap úılerin jasap, aǵashtarǵa ornatty.
Ekologııalyq aksııany ótkizýge «Jasyl el» jastar jasaqtary da belsendi atsalysty.
«Tazalyq tazartylǵan jerde emes, qoqys tastalmaǵan jerde. Sondyqtan, biz jerlesterimizdi tazalyqty saqtaýǵa jáne bizge qosylýǵa shaqyramyz», deıdi Sátbaev qalasyndaǵy «Lıýbavýshka» orys etnomádenı ortalyǵynyń tóraǵasy Inna Mosýnova.
Senbilikke oblys boıynsha 4600-den astam adam qatysty, 70-ke jýyq tehnıka jumyldyryldy, 90 tonnadan astam qoqys shyǵaryldy.
