Zaýyttaǵy apat: Arnaıy komıssııa quryldy

Jaısyz habar kompa­nııa­­nyń áleý­mettik jelidegi paraq­shasynda jarııa­landy. Jıyrma bes jastaǵy tehnolog Erulan Qazken, balqytý sehynyń mehanıgi Adamchýk Dmıtro, bas mehanık qyzmetiniń sheberi Tó­legen Jetpisbaev kúıiktiń salda­rynan qaza boldy.

22 shilde kúni zaýyttyń 30 jastaǵy jumysshysy Muzafar Ismaılov alǵan jaraqatynan qaıtys bolǵan edi. Onyń dene­siniń 85 paıyzy kúıgen. Marqum Buqar jyraý aýdany Úmit­ker aýylyna jerlendi.

Dárigerlerdiń sózinshe, aýrý­hanada jatqan eki adam­nyń jaǵdaıy aýyr, al eki jumy­sy­shynyń beti beri qarady.

– Professor H.Maqa­ja­nov atyndaǵy kópsalaly aýrý­hananyń kombýstıologııa bóli­minde ornalasqan Qaraǵandy ferroqorytpa zaýytynyń zardap shekken eki jumyskerine jalpy jaǵdaıy­nyń jaqsarýy­na baılanysty emdeý reji­mi jeńildetilgenin habarlaımyz. Endi pasıentter palatada qozǵala alady, ja­qyn týystarynyń kelýine ruqsat etiledi. Kúıik ja­­raqatymen túsken zardap shek­­kenderdiń ekeýiniń jaǵdaıy jaq­­sarýyna baı­lanysty jalpy palata­larǵa aýystyrdyq. Olar shok kúıi­nen shyǵaryldy. Naýqastarǵa kúıikke qarsy sha­ra­­larǵa ba­ǵyttalǵan qosymsha terapııa júrgi­zilip jatyr. Eki naýqas óte aýyr jaǵdaıda reanımasııa­da. Olardyń ómiri úshin kúres jalǵasýda. Qarqyndy terapııa júrgizilýde, – deı­di professor H.Maqa­ja­nov atyndaǵy kópsa­laly aýrý­hananyń travma­to­logııalyq ortalyǵynyń bas­shysy Berik Tóleýbaev.

Buǵan deıin jazǵa­ny­myzdaı YDD Corporation qaza bolǵan qyzmet­ker­leriniń janaza na­mazynyń barlyq shyǵynyn ótep, otbasyna qajetti qoldaýdy kórse­temiz dep ýádesin berdi. Ot­­­­ba­synyń barlyq nesıe­lerin jaýyp, tur­ǵyn úı jaǵdaıyn jaq­sartýǵa kómek beredi. Ony­men qosa, kompanııa 10 jyl­dyq jalaqy mólsherinde qar­jy­lyq kómek tóleıdi.
QR Eńbek kodeksine (188-bap­tyń 4-tarmaǵy) sáı­kes, QR bas memlekettik eńbek ınspek­tory Tóle­gen Ospanqu­lov­tyń tóraǵa­lyǵymen toptyq oqys oqıǵany tergeý jónin­degi res­pýb­lıkalyq arnaıy komıssııa quryldy, on­da oqıǵanyń sebep­teri anyq­talyp, kináli adam­dar jazalanady.

Komıssııa quramyna Qa­raǵan­dy ob­lysynyń bas mem­leket­tik eńbek ınspek­­tory, О́ner­kásiptik qaýip­sizdik komı­tetiniń aýmaqtyq depar­tamentiniń ókili jáne jumys berýshi kirdi.

Qaraǵandy oblysy