Sıfrlyq tehnologııa nátıjesi

Qazirgi ýaqytta áskerı oqý ornynda 2024-2025 oqý jylyna qujat qabyldaý júrip jatyr. 30 shil­dege deıin jalǵasatyn is-sha­ra­­da eki júzden astam talap­ker­­di qabyldaý josparlanyp otyr.

Irikteý úderisi UBT nátı­je­le­rin, psıhologııalyq testileýdi, medısınalyq komıssııa nátı­je­sin jáne dene shynyqtyrý deń­geıin tekserýdi qamtıdy. UBT-nyń tórt páninen keminde 50 ball jınaǵan jáne arnaıy tekserýden ótken talapkerler áskerı oqý ornyna qabyldanýy múmkin.

Instıtýtta radıoelektro­nıka, radıotehnıka jáne ın­jı­nırıng, avtomattandyrý jáne ınfokommýnıkasııalyq tehnologııa­lar, aqparattyq qaýipsizdik jáne kıberqaýipsizdik júıeleri, áskerı qurylys, áskerı jýrnalıstıka jáne dırıjerlik sııaqty salalarda mamandar daıar­lanady.

Qabyldaý komıssııasynyń talapkerlerdi qabyldaý týraly sheshiminen keıin oqý ornymen bilim berý qyzmetterin kórsetýge shart jáne áskerı qyzmet ótkerý týraly kelisimshart jasalady. Kýrsanttar jataqhanamen jáne tamaqpen tolyq tegin qamtamasyz etiledi. Oqýdy aıaqtaǵannan keıin túlekterge jumysqa ornalasýǵa kepildik beriledi jáne áskerı laýazymdarǵa taǵaıyndalady.

Bıyl Radıoelektronıka jáne baılanys áskerı-ınjenerlik ıns­tıtýty bes jyldan tórt jyldyq oqý merzimine kóshti. Bul ózgeris oqý úderisin ońtaılandyrýǵa jáne tez ózgeretin talaptar men damyp kele jatqan tehno­logııalar jaǵdaıynda maman­dardy daıarlaý sapasyn jaqsar­tý­ǵa baǵyttalǵan. Áskerı oqý or­n­ynda oqytýdyń zamanaýı ádis­terin engizý, bilim alý jáne kýrsanttardyń kásibı ósýi úshin barlyq jaǵdaı jasalǵan.