Foto: Instagram/_aidar.kz
Aıdar Omarov óziniń áleýmettik jelidegi paraqshasynda jańa qyzmetine qatysty jazba jarııalady.
«Barsha quttyqtap jatqan jandarǵa alǵys bildiremin! Qanshalyqty eleń etkizse de, meniń óndiris jónindegi vıse-prezıdent retindegi jumysym mınıstrlik tarapynan osyndaı senimmen baǵalanǵanyna qýanyshtymyn, óz kezeginde, eger sizderdiń usynystaryńyz bolsa, men de ashyqpyn! Salanyń damýy úshin biz kez kelgen parasatty ıdeıalardy ashyq jáne tikeleı talqylaı alamyz», dep jazdy Aıdar Omarov.
Aıta keteıik, Aıdar Omarov buǵan deıin kınostýdııa vıse-prezıdenti qyzmetin atqarǵan bolatyn.
Eske sala keteıik, Azamat Satybaldynyń «Qazaqfılmniń» prezıdenti qyzmetinen ketkeni 31 shildede belgili boldy. Al, 1 tamyzda Mádenıet jáne aqparat mınıstrligi Sháken Aımanov atyndaǵy «Qazaqfılm» ulttyq kınostýdııasynyń shtattyq rejımde jumysyn jalǵastyryp jatqanyn habarlaǵan bolatyn.
