Sport • 05 Tamyz, 2024

Gennadıı Golovkın HOK Olympism365 Komıssııasynyń ókilderimen kezdesti

121 ret

kórsetildi

1 mın

oqý úshin

Qazaqstan Ulttyq Olımpıadalyq komıtetiniń prezıdenti Gennadıı Golovkın Halyqaralyq Olımpıada komıteti Olympism365 Komıssııasynyń tóraıymy Aývıta Rapılla jáne Olympism365 boıynsha HOK dırektory Ollı Dadfıldpen kezdesti. Bul týraly Ulttyq olımpıadalyq komıtettiń baspasóz qyzmeti habarlady, dep jazady Egemen.kz.

Dana MYRZAQADIR

Gennadıı Golovkın HOK Olympism365 Komıssııasynyń ókilderimen kezdesti

Foto: olympic.kz

Kezdesý Parıjdegi 2024 jylǵy Olımpıada oıyndary aıasynda ótti. Jıynǵa Qazaqstan UOK bas hatshysy Janar Ýtesheva, HOK komıssııasynyń múshesi, Zımbabve UOK prezıdenti Tabanı Gone jáne HOK ókilderi Aııa Medanı men Shamıl Tarpıshev qatysty.

Kezdesýde Olympism365 Komıssııasynyń qyzmeti talqalandy. Aývıta Rapılla Komıssııanyń eń basty mindeti retinde sporttyń turaqty damýyn atap ótti.

Sonymen qatar Aývıta Rapılla Gennadıı Golovkındi Olympism 365 Komıssııasynyń múshesi retinde taǵaıyndalýymen quttyqtap, oǵan Qazaqstan UOK prezıdenti qyzmetinde sáttilik tiledi.

Gennadıı Golovkın óz kezeginde HOK prezıdenti Tomas Bah pen Olympism 365 Komıssııasynyń tóraıymy Aývıta Rapıllaǵa senim artyp, qoldaý kórsetkeni úshin alǵys bildirdi.

Aıta keteıik, atalǵan Komıssııa quramyndaǵy Gennadıı Golovkınniń alǵashqy resmı otyrysy osy jyldyń qarashasynda Shveısarııanyń Lozanna qalasynda ótedi.