Oblysta jalpy 79 qorym bar. Bulardyń 67-si – musylman, 12-si hrıstıan qorymy. Senbilik Jezqazǵan, Sátbaev, Qarajal qalalary men Ulytaý, Jańaarqa aýdandaryndaǵy 5 musylman, 3 hrıstıan qorymynda ótti. Bular aýmaqty qorymdar bolyp sanalady. Senbilikke qarapaıym turǵyndar, meshitter men pravoslav shirkeýleriniń ókilderi, «Jasyl el» jasaqtary, t.b. qatysty.
«О́li rıza bolmaı, tiri baıymaıdy» degendeı, dúnıeden ótken adamdardyń máńgilik úıiniń aınalasyn taza ustaý – tirilerdiń mindeti. Senbiliktiń basty maqsaty osyny kópshilikke túsindirý boldy», deıdi oblystyq Din isteri basqarmasynyń basshysy D.Tólegenov.
Oblys boıynsha tazalyq jumystaryna 200-den asa adam qatysyp, 9 arnaıy tehnıka jumyldyryldy.
Ulytaý oblysy
