Foto: Sý resýrstary jáne ırrıgasııa mınıstrliginiń baspasóz qyzmeti
Mınıstrliktiń habarlaýynsha, bul zamanaýı sýarý júıelerin satyp alý, sondaı-aq barlyq qajetti ınfraqurylymdy qamtamasyz etý shyǵyndaryn óteýge kómektesedi.
«Memleket basshysynyń tapsyrmalaryn oryndaý úshin ár óńirge sý únemdeý júıeleri ornatylǵan egis alqaptaryn ulǵaıtý boıynsha naqty ındıkatorlar belgilep, 2030 jyldyń sońyna deıin kezeńdik jospar ázirledi. Mınıstrlik 2030 jyldyń sońyna qaraı respýblıkadaǵy sýarmaly jerlerdiń jalpy kóleminiń 50%-dan astamyn sý únemdeý tehnologııalarymen qamtý arqyly jylyna 2,1 tekshe shaqyrymǵa deıin sý únemdeýdi josparlap otyr», dedi Sý resýrstary jáne ırrıgasııa mınıstri Nurjan Nurjigitov.
Sýbsıdııa mólsherin ulǵaıtý sheshimin sharýalar qýana qabyl alǵan. Túrkistan oblysynyń dıqany Jamantaı Beısenbaev bıyl 10 gektar maqta alqabyna tamshylatyp sýarý júıesin ornatqan. Sharýa sýarýdyń jańa ádisi arqyly tirshilik nárin de tyńaıtqyshty da birneshe ese únemdegenin tilge tıek etti.
«Bul tarıhta bolmaǵan qoldaý. Sharýalar úshin óte qolaıly. Osyǵan deıin sý únemdeıtin júıelerdi ornatý shyǵyndarynyń 50%-y ǵana óteletin. Endi el bolyp osyndaı únemdi júıelerge kóshý kerek. Sonda ǵana egis alqabynyń ár telimin tıimdi paıdalanyp, mol ónim ala alamyz», dedi J.Beısenbaev.
