Erler arasynda medaldar jıyntyǵy boıynsha О́zbekstan kósh bastady. 5 birdeı boksshysy altyn alyp, el mereıin ústem etti. Onyń ishinde Bahodır Jalolov pen Hasonbaı Dýsmatov olımpıadanyń eki dúrkin chempıony atanyp otyr. Osy oraıda barlyǵynda «О́zbekstan boksshylarynyń jetistiginiń syry nede?» degen suraq týyndaıtyny anyq.
Qazir áleýmettik jelilerde О́zbekstannyń 2025 jylǵa deıingi boksty damytý tujyrymdamasy qyzý talqyǵa túsýde. Qujat 2021-2022 jyldary qabyldanǵan. El arasynda boksty nasıhattaý ádisteri men tanymal boksshylardyń ómirin jıi kórsetý arqyly jas balalardy sportqa tartý tetikteri kórsetilgen.
О́zbekstan bıligi 2025 jylǵa deıin bokspen aınalysatyn jasóspirimderdiń sanyn 27 myńǵa deıin kóbeıtýdi josparlap otyr. Sondaı-aq О́zbekstan quramasynyń músheleri úshin Tashkent qalasynda halyqaralyq talaptarǵa saı keletin 100 adamǵa arnalǵan zamanaýı boks bazasyn salýdy maqsat etken.
Bokspen turaqty túrde aınalysatyn 13-17 jas aralyǵyndaǵy balalar sanyn kóbeıtý. Bokspen únemi aınalysatyn joǵary bilim berý júıesindegi I kýrs stýdentteriniń sanyn kóbeıtý. Orta jalpy bilim beretin, orta arnaýly, kásiptik jáne sporttyq oqý oryndarynyń sport ǵımarattaryn tıimdi paıdalaný, - dep jazylǵan qujatta.
