Foto: Kólik mınıstrliginiń baspasóz qyzmeti
Mınıstrliktiń habarlaýynsha, atalǵan komıtet ókilderi jolaýshylar poıyzyna kezekti tekserý jumystaryn júrgizgen.
«Bul jolǵy nysan «Túrksib-Astana» JShS qyzmet kórsetetin Qostanaı – Almaty baǵytyndaǵy №43/44 áleýmettik mańyzy bar jolaýshylar poıyzy. Tekserý barysynda 14 túrli zań buzýshylyqtar anyqtaldy. Jolaýshylar vagondarynyń ishki jáne syrtqy kelbetiniń normalaryna sáıkes kelmeýi, kondısıonerleri qarastyrylǵan biraq sol jeldetkishi isten shyqqan vagondardyń qatynaýy jáne sanıtarlyq talaptarǵa saı kelmeýi negizgi zań buzýshylyqtar retinde tirkeldi», dep habarlady Kólik mınıstrliginiń baspasóz qyzmeti.
Tekseris jumystarynyń nátıjeleri boıynsha tıisti akt jasalǵan. О́z kezeginde tasymaldaýshy kompanııaǵa 10 kúntizbelik kún ishinde tekserý nátıjesinde anyqtalǵan zań buzýshylyqtardy joıý jáne olardyń odan ári oryn alýyna jol bermeý jóninde sharalar qabyldaý tapsyrylǵan.
Aıta keteıik, elimizde áleýmettik mańyzy bar turaqty 110 poıyz qatynaıdy. Jolaýshylardy tasymaldaý qaǵıdalarynyń talaptaryn qatań saqtaý komıtet nazarynda. Jaz sońyna deıin jaýapty komıtet qyzmetkerleri keste boıynsha qalǵan jolaýshylar poıyzdaryna da tekserý jumystaryn júrgizedi.
