Qas qaraıǵandaǵy qaraqshylyq

Bul kezde úıde qoja­ıyn­­nan basqa 12 jastaǵy jıe­ni de bol­ǵan eken. So­ǵan qaraǵanda qaraq­shy­lar úı­de qarsylyq kórsetetin esh­kimniń bolmaıtynyn aldyn ala bilgen syńaıly. Qylmyskerler ekeýin kúsh kórsetip, qorqy­typ-úrkitip, uryp-soqqan. Ke­ıin baılap tastap, aýzy-bastaryn skotchpen japsyryp, úıdiń astan-kestenin shyǵaryp, aqsha men baǵaly zattardy izdeıdi. Olar­dyń qolyna altyn-kúmis­ten jasalǵan birneshe asyl bu­ıym, aqsha túsedi. Qaraqshylar qol­daryna túsken eki jańa uıaly telefondy da qaltalaryna salyp alady. Aldyn ala esepteýge qaraǵanda urlanǵan dúnıeler men aqshany qosqanda kúdiktiler 640 myń teńgeniń zatyn qoldy qylyp, taıyp turǵan.

Polısııanyń málimetine qa­ra­ǵanda, 41 jasta­ǵy úı ıesi emes 12 jastaǵy onyń jıeni qaısarlyq kórsetken. Ol qaraqshylar ketken boıda tisimen skotchty qıyp, qoly men aıaǵyn bosatady. Sóı­tip, naǵashysynyń da qol-aıaǵyn buǵaýdan bosatady. Jetkinshek mu­nymen de tynbaı esi shyǵyp ketken naǵashysyn úıge qaldyryp, ­ózi jaqyn jerde turatyn ýchaske­lik ınspektor­dyń úıine baryp, bol­ǵan jaıtty jetkizedi. Aýdan­dyq polısııa bólimine dabyl túngi 12-ler shamasynda túsken. Bul qylmys bolǵannan úsh saǵat­taı ýaqyt ótken kez. Qyl­mystyń izin sýytpaı kóterilgen polısııa barlyq kelgen-ketken kólikter­di tizimge alyp, kúdikti degen, esepte júrgen adamdardyń bári­niń qaıda bolǵanyn anyqtaı bas­ta­ǵan. Qylmysty dáleldeıtin aı­ǵaq zattardyń tizimi de jol­da­ǵy polısııa patrýlderine be­ri­le­di. Aqyry polısııa kúdik­ti­lerdi anyqtap, olardyń sońy­na tús­ken. Oblystyq jáne Taıyn­sha aýdandyq krımınaldyq polısııa basqarmasynyń jedel qyzmetkerleri qaraqshylar min­gen kólikti Astana qalasynyń aýmaǵynda sol túni toqtatqan.

«Jedel júrgizilgen jedel tek­­se­ris nátıjesinde qa­raq­­­shy­lyqqa kúdiktiler – Sol­tús­tik Qa­zaqstan men Aqmola ob­lys­­­tary­nyń 30 ben 38 jas ara­ly­ǵyn­daǵy turǵyndary ustal­dy. Qazir olardyń úsheýi qa­maý­da otyr. Al bireýi ázirge bos­tan­dyqta. Olardan aıǵaq zattar tár­ki­lenip, bul oqıǵaǵa qatysty qy­lmystyq is qozǵaldy», deıdi ob­lys­tyq PD krımınaldyq po­lı­sııa basqarmasynyń basshy­sy, polkovnık Ivan Terzıdı. Qyl­mystary dáleldense, qaraq­shy­lar Qylmystyq kodekstiń 192-baby­men 7-den 12 jylǵa de­ıin bas bos­tandyǵynan aıyry­lýy múmkin.

Soltústik Qazaqstan oblysy,

Taıynsha aýdany