Foto: gov.kz
«Kóksý qant zaýytynyń» qýattylyǵy táýligine 2500 tonna qant qyzylshasy men 300 tonna qamys shıkizatyn quraıdy. 2023 jyly zaýytta 53 myń tonna qant óndirilse, 2024 jyldyń 7 aıynda 23 myń tonna qant óndirildi.
Mınıstr zaýytty aralap kórip, sodan keıin qyzylsha qabyldaý pýnktiniń aýmaǵynda qyzylsha egetin fermerlermen kezdesti.
«Sharýalar memleket tarapynan qoldaý taýyp jatyr. Arzandatylǵan JJM bólindi, tyńaıtqyshtarǵa, tuqymdarǵa, gerbısıdterge sýbsıdııalar tólenedi. Egis jumystary úshin jeńildetilgen nesıeleý qarastyrylǵan. Barlyq aıtylǵan máselelerdi birtindep sheshemiz», dedi Aıdarbek Saparov kezdesýde.
Aqsý aýdanynda mınıstr «Aqsý Kant» JShS jańa maýsymyna daıyndyq jumystarynyń barysymen tanysty. Kásiporynnyń qýattylyǵy táýligine 3500 tonna qant qyzylshasyn quraıdy. О́tken jyly zaýyt qýattylyǵy táýligine 400 tonna qamys shıkizatyn qaıta óńdeý jelisin ornatty. О́tken jyly zaýyt qazan aıynda iske qosyldy, jyl sońyna deıin 10 myń tonna qant óndirildi.
Eskeldi aýdanynda mınıstr «Dúısembınov» ShQ qyzylsha alqabynda boldy. Jumys saparynyń qorytyndysy boıynsha oblys ákimdigine egin jınaý barysyn baqylaýǵa alý, qant qyzylshasyn jınaý boıynsha egin jınaý naýqanyn uıymdastyrýǵa járdemdesý tapsyryldy.
Bıyl Qazaqstanda rekordtyq 1,1 mln tonna qant qyzylshasyn jınaý josparlanýda. Osyǵan baılanysty Jambyl oblysy men Jetisý oblysynyń sharýalary úshin shıkizatty ótkizý jáne qaıta óńdeý máselesi ózekti bolyp otyr.
Buǵan deıin Aıdarbek Saparov Jambyl oblysynyń kásiporyndarynda bolyp, fermerlermen kezdesti. Sapar qorytyndysy boıynsha qant qyzylshasyn jóneltýge, óńdeýge qatysty máseleler jedel sheshildi.
