Sonyń nátıjesinde taýly aımaqtyń kóz arbaıtyn kórkem sulýlyǵyn, ǵajaıyp kórinisterin syrt etkizý arqyly jan-jaqty jarnamalap, ishki-syrtqy týrızmniń damýyna yqpal etýge múmkindik mol.
Sapar jetekshisi – ólketanýshy Saǵatbek Medeýbekuly. Ol bul is-sharanyń basty maqsaty aýdanda týrızmdi damytý, óńirdiń tarıhı oryndary men kórneki jerlerin nasıhattaý úshin zamanaýı talaptarǵa saı fotoǵa túsirý jáne túsirilgen eń úzdik fotolardy BAQ, áleýmettik jeliler arqyly taratý ekenin aıryqsha atady. Osy maqsatta «Jeruıyq kórem deseń, Kegenge kel» atty úsh kúndik fotosapar uıymdastyryldy. Mańyzy zor is-sharaǵa Kegen aýdanynyń ákimdigi qoldaý kórsetti.
О́lketaný saparyna ár deńgeıli BAQ ókilderi, respýblıkalyq «Fotoóner» birlestiginiń jetekshisi, fotoónertanýshy Asylhan Ábdraıym, ardager fotojýrnalıst Nurmanbet Qızatuly, fotosýretshi, ǵalym Dosjan Balabekuly, fotosýretshi Ernur Manaphan, fotosýretshi, jýrnalıst Dáýren Muhametjanov, trevel-bloger Málik Kúshmuhanov, mobılograf Aıym Bahybek, fotosýretshi Marǵulan Januzaq qatysty. Olar aýdannyń barlyq aýyldyq okrýgterin aralap, ondaǵy Ereýiltóbe, Jýantóbe, Qumtekeı syndy tarıhı jerlerdi, Ekiasha jaılaýy, Orta Merki, Qyzylarasan, Tańbalytasty, Aǵanas jazyǵyn, Kólsaı kólin, Kórtoǵaı shatqaldarynan qaıtalanbas sýretter túsirip, qorjyndaryn toǵaıtty. О́lkeniń sulý tabıǵaty men shejireli tarıhyna qanyqty.
«Nurmanbet aǵalary bata bergen,
Jigitterdiń barlyǵy fotomergen.
Tabıǵattyń, tarıhtyń qajettisin,
Urpaqqa amanat dep «ata» kelgen», dep etnograf Saǵatbek Medeýbekuly jyrmen túıindegendeı, búgingi foto – erteńgi el shejiresine aınalary aqıqat. Kásipqoı fotograftar men ólketanýshylardyń tyń sýretteri baspasóz betteri men áleýmettik jelilerde jarııalanyp qana qoımaı, óńirde týrızmniń damýyna zor yqpal eterine úmitti.
Almaty oblysy
