Álemdik standarttarǵa saı keldi

– deıdi Prezıdent saılaýy jóninde halyqaralyq baıqaýshy Iýrıı Rıabov Qazaqstannyń batystaǵy qaqpasy – Oral óńirinde Prezıdent saılaýynyń zańdylyǵyn saqtaý jáne móldirligi men ádildigin qadaǵalaý úshin myńnan astam baıqaýshy tirkeldi. Onyń birqatary  – halyqaralyq baıqaýshylar. Biz keshe solardyń biri Iýrıı Rıabovty áńgimege tartqan edik. – Iýrıı Fedorovıch, buǵan deıin Qazaqstandaǵy elek­toraldyq naýqandarda bolyp pa edińiz? Prezıdent saılaýynyń ótý barysy týraly ne aıtasyz? – Joq, birinshi ret bolyp otyrmyn. Biraq men buǵan deıin TMD memleketteri aýqymynda jáne Eýropa elderi men AQSh-ta ótkizil­gen prezıdenttik já­ne parlamenttik saılaýlarǵa qatystym. Bul jáıt meniń múldem tájirıbesiz emestigimnen habar bere alady ǵoı dep oılaımyn. Keshe Qazaqstanda ótkizilgen Prezıdent saılaýynda birden kózim jetken jáıt, munda joǵary deńgeıdegi saılaýlar ótkizýde jan-jaqty tájirıbeler jınaqtalǵany. Álemdik standarttarǵa sáıkes Prezıdent nemese Parlament saılaýyn ótkizý qalpaqpen soǵyp ala qoıatyndaı ońaı is emes. Ári kez kelgen memleket mundaı ozyq deńgeıge qol jetkize bermeıdi. Degenmen, Qazaqstandy dál osy turǵyda tanı alǵanymdy ashyq aıta alamyn. – Sonda siz úshin Qazaq­standaǵy Prezı­dent saılaý­y kezinde aıryqsha áser qal­dyr­ǵan, oı men kóńil túkpi­rinen berik oryn tepken oń kórinister qandaı? – Meni birinshi tánti etkeni – qazaq­standyqtardyń azamattyq belsendiligi. Kez kelgen eldegi saılaý kezinde daýys berý úderisi 12-13 saǵatqa deıin sozylatyny anyq. Áıtse de kórshiles el turǵyndary áli de ýaqyt bar ǵoı dep arqany keńge salyp jatyp almaı, deni saılaý ýchaskelerine erte kelgeni bizdi qatty súısindirdi. Tipti, bul kóriniske ári qyzyǵa, ári qyzǵana qaraǵanymdy da jasyryp qalǵym kelmeıdi. Eń bastysy, qandaı da bir bolmasyn bılik organdary tarapynan kúshteý men yqpal jasaýdyń ushqynyn da baıqaı almadyq. Júrek qalaýymen jasalǵan qadamnyń ǵumyry qashanda uzaq. Qashanda máńgilik. Men osyny ańǵardym. Tipti, Qazaqstandaǵy Prezıdent saılaýynyń uıymdastyrylý deńgeıinen ózgeler úshin úı­renetin úrdister de mol eke­nin baıqadym. Qysqasy, ja­ńa Qazaqstan óziniń derbes mem­lekettiliginiń shırek ǵasyrǵa jýyq tarıhynda de­­mokratııalyq qaǵıdattar men álemdik elektoraldyq stan­dart­tarǵa qol jetkize bilgeninen kózimiz jetti. – Qazaqstannyń eýrazııalyq endiktegi qalasy – Oral tur­ǵyndaryna qatysty ne der edińiz? – Teńizdiń dámi tamshysynan bilinedi demeı me? Meniń buǵan deıin tutastaı qazaqstandyq azamattardyń elektorattyq belsendiligine baılanysty pikirim Oral turǵyndaryna da ortaq ári tikeleı qatysty ekendigine kúmánińiz bolmasyn. – Iýrıı Fedorovıch, shynaıy kóńilden aıtqan aq-adal oı-pikirińiz úshin sizge kóp rahmet! Áńgimelesken Temir QUSAIYN, «Egemen Qazaqstan». Batys Qazaqstan oblysy. Sýretti túsirgen Rafhat HALELOV.