Sýret: ashyq derekkózden
Prezıdent sońǵy bes jylda elimizde aýqymdy reforma jasalǵanyn, elimizdiń saıası júıesi túbegeıli ózgergenin aıtty. Joldaýda negizgi basymdyq aqsha-nesıe saıasaty men fıskaldy saıasattyń arasyndaǵy sáıkessizdikti joıý, ınvestısııalyq ahýal, bıznes júrgizýge qajetti jaǵdaı jasaý, elimizdiń ónerkásip áleýetin tolyq paıdalaný, ınfraqurylymǵa qatysty ózekti máselelerdi sheshý, elimizdiń kadrlyq áleýetin birtindep jaqsartý, ult saýlyǵyn nyǵaıtý úshin keshendi sharalardy qolǵa alý, ekologııalyq aqýaldy jaqsartý, memlekettik basqarý isiniń tıimdiligin barynsha arttyrý, qoǵamda zań men tártip ıdeologııasyn tereń ornyqtyrý sekildi el taǵdyry úshin mańyzdy máselelerge berildi.
Sonymen birge Prezıdent ásker qataryndaǵy zań men tártiptiń saqtalýyna da nazar aýdardy. «Ásker qatarynda zań men tártiptiń saqtalýy aıryqsha mańyzdy mindet. Jastar áskerge Oan aldyndaǵy boryshyn óteýge barady. Jas sarbazdarymyz óz mindetin alańsyz oryndaýy úshin ásker qatarynda eń aldymen, temirdeı tártip bolýy tıis. Qarýly kúshter, basqa da kúshtik qurlymdar osy talapty múltiksiz oryndaýy qajet. Ár ata-ana áskerge ketken balasyn memleketke senip tapsyrady. Sondyqtan sarbazdyń densaýlyǵy men qaýipsizdigine, eń aldymen, armııa basshylyǵy jáne quqyq qorǵaý mekemeleriniń basshylyǵy jaýapty», dedi Memleket basshysy.
Osy oraıda Ulttyq ulan áskerleriniń aldynda zor mindet tur. Eń bastysy – memleket qaýipsizdigin qamtamasyz etý, azamattardyń konstıtýsııalyq quqyǵyn qorǵaý, qala kóshelerindegi zań men tártipti saqtaý jolynda jaýyngerlik ázirlikti odan ári kúsheıte túsýimiz qajet. Ol úshin Ulttyq ulan áskerleriniń ár áskerı qyzmetshisi óziniń jeke jaýapkershiligin arttyryp, kásibı sheberligin pysyqtap, áskerı ómirde zań men tártipti qatań saqtaýdy esten shyǵarmaýy kerek.
Bekaıdar QAZKEEV,
Ulttyq ulannyń «Batys» óńirlik qolbasshysy, general-maıor
