Foto: Astana ákimdigi
Kesh shymyldyǵy «Altyn dombyra» óner mektebiniń kúıshileriniń oryndaýyndaǵy «Naýaı» jáne «Bashmotoı» kúıimen ashyldy.
Ary qaraı Ahmet Baıtursynulynyń ánderi shyrqalyp, kúıleri oryndaldy. Sondaı-aq, keshke qatysyp, óner kórsetken Qazaqstan Respýblıkasynyń «Daryn» memlekettik syılyǵynyń ıegeri Ibragım Eskendir sııaqty ánshiler kesh mereıin asyrsa, «Jastar teatry» ujymy Ahmettiń ómirinen bir qıyq kórinis qoıyp jurtty tánti etti.
Al keshke kelgen kórermender ult ustazynyń áli de ashylmaı jatqan qyrlarynyń kóp ekenin aıtady.
«XX ǵasyrdyń basynda «Qazaqqa qyzmet etpeı qoımaımyn» degen Álıhan bastaǵan memleketshil kósemder alash balasyn bostandyqqa jeteledi. Mine osy jolda aıanbaı eńbek etken tulǵalardyń biri jáne biregeıi ol – Ahmet Baıtursynuly. Ol qazaqtyń álipbıin jasap berdi. Sonymen qatar, ol án de, kúı de shyǵarǵan tulǵa. Demek ult ustazy degen atqa naǵyz laıyqty adam bolyp ómir súrdi. Onyń qazaqqa sińirgen eńbeginiń ushan teńiz ekenin bolashaq áli talaı talqyǵa salatyn bolady. Bir sózben aıtqanda Ahmettiń týǵan kúni, ol qazaq tiliniń mereıtoıy, ol alash jurtynyń keýdesin maqtanysh kernep, rýhynyń kóteriletin kúni», deıdi tarıh ǵylymdarynyń doktory, professor, QR kórkem akademııasynyń akademıgi Marat Ábsemet.
