Memleket basshysy jeńimpazdar forýmyna qatysty

ASTANA. 27 sáýir. Nursultan Nazarbaev «Saryarqa» respýblıkalyq velotreginde ótken jeńimpazdar forýmyna qatysty. Bul týraly akorda.kz habarlady. Memleket basshysy qazaqstandyqtar saılaýda tutastyǵy men birligin taǵy da pash etkenin atap ótti. «Búkil Qazaqstan keshe bir kisideı daýys berýge keldi. Men azamattardyń otbasylarymen, balalarymen, nemerelerimen saılaý ýchaskelerine kelgenin kórdim. Bul úlken jaýapkershilik júkteıdi, halqymyz óziniń turmysyn, ál-aýqatyn jaqsartyp, balalaryn tárbıeleýi jáne bolashaqqa senimmen qaraýy úshin ne isteý kerektigi týraly kúni-túni oılanýǵa májbúrleıdi. – dedi Qazaqstan Prezıdenti. Nursultan Nazarbaev el halqy saılaýǵa qatysý arqyly saıası mádenıetiniń bıik ekenin kórsetip, Prezıdentke ǵana emes, óz bolashaǵyna da daýys bergenin aıtty. Sonymen qatar, Elbasy prezıdenttik saılaýdy uıymdastyrýǵa jáne ótkizýge belsene qatysqan barshaǵa raqmet aıtty. Sondaı-aq, Memleket basshysy saılaýdan keıin aýqymdy jumys kútip turǵanyna toqtaldy. «Biz Qazaqstandy ındýstrııalandyrýdy aıaǵyna jetkizýge, balama ekonomıka qalyptastyrýǵa, sapaly tabys jáne kásibı biliktilikpen baılanysty jańa jumys oryndaryn ashýǵa tıispiz. «Nurly jol» baǵdarlamasyn júzege asyryp, ekonomıkalyq baılanystarymyzdy belsendirý jáne tranzıtti memleketke aınalý úshin búkil Qazaqstandy joldarmen qamtýǵa tıispiz. Osynyń bári – jańa kezeń, siz ben biz atqarýǵa tıisti aýyr jumys. Men el aldynda turǵan jańa mindetterdi júzege asyrýda bárimizge tabys tileımin», – dedi Qazaqstan Prezıdenti. Nursultan Nazarbaev ishki jáne syrtqy saıasattaǵy negizgi basymdyqtardyń saqtalatynyn aıtty. «Biz ishki tatýlyqty saqtaımyz, sondaı-aq, odaqtastarymyz ben seriktesterimizdiń aldyndaǵy mindettemelerimizge adal bolamyz. О́z ishimizdegi kelisimdi nyǵaıtyp, bizdiń óńirdegi jáne búkil planetadaǵy beıbitshilikke atsalysamyz. Bizge senedi, sondyqtan biz qaqtyǵys bolǵan jerdiń bárinde qantógisti toqtatýǵa úndeımiz. Biz kópkonfessııaly jáne kópetnosty eldiń tatý ómir súre alatynyn kórsetip otyrǵan Qazaqstannyń tájirıbesine qaraýǵa shaqyramyz», – dedi Memleket basshysy. Sońynda Qazaqstan Prezıdenti kórsetilgen senim úshin taǵy da alǵys aıta otyryp, qazaqstandyqtarǵa amandyq, elimizge tatýlyq pen tynyshtyq tiledi. Elaman Qońyr. Derek: akorda.kz. Sýret: Azamat Álıev.