Fotolar: Polisia.kz
Is-sharaǵa Ázerbaıjan, Qazaqstan, Qyrǵyzstan, Túrkııa, О́zbekstan elderiniń Ishki ister mınıstrlikteriniń ókilderi qatysty. Qazaqstan delegasııasyn Ishki ister mınıstri Erjan Sadenov basqardy.
Jıyn aldynda Qyrǵyz Respýblıkasynyń Prezıdenti Sadyr Japarov delegasııa basshylarymen kezdesip, qazirgi zamanǵy syn-qaterlerge tıimdi qarsy turý úshin quqyq qorǵaý organdarynyń yntymaqtastyǵyn nyǵaıtýdyń mańyzyn atap ótti.
Otyrysta uıymǵa múshe memleketterdiń Ishki ister mınıstrlikteriniń birlesken jumysynyń negizgi máseleleri talqylandy. Qylmyskerlerdi izdeý, ekstremızmge, esirtki qylmysyna, zańsyz kóshi-qon men kıberqylmysqa qarsy kúres sııaqty negizgi baǵyttar boıynsha yntymaqtastyqtyń tıimdiligin arttyrýǵa erekshe nazar aýdaryldy.
Jıyn sońynda birlesken Deklarasııaǵa qol qoıyldy.
Kezdesýde syndarly dıalog qurylyp, mańyzdy sheshimder qabyldandy. Sondaı-aq is-shara aıasynda Qazaqstan Ishki ister mınıstriniń Ázerbaıjan jáne Túrkııa Respýblıkasy IIM basshylarymen ekijaqty kezdesýleri ótti, onda vedomstvoaralyq ózara is-qımyldyń perspektıvalary aıqyndaldy.
