О́SKEMEN. 27 sáýir. Elbasy jeńisine shynaıy qýanǵan shyǵysqazaqstandyqtar oblys ortalyǵyndaǵy Abaı eskertkishiniń aldyna jınaldy. Bul týraly egemen.kz tilshisi habarlady.
8 myńnan astam turǵyn jınalǵan kóńildi kesh, saltanatty jıyn asqaqtaǵan el mereıiniń kórinisi ispetti. Qazaqstan Respýblıkasy Prezıdentiniń saılaýynda aıqyn basymdyqpen jeńiske jetken Memleket basshysy Nursultan Nazarbaevtyń qurmetine arnalǵan jeńimpazdar forýmynda jurtshylyq Qazaqstannyń kók týyn bıikke jelbiretip, ekrannan Elbasynyń saılaýda zor senim bildirgen shyǵysqazaqstandyqtarǵa izgi tilegin zor qoshemetpen tyńdady. Merekelik jıynda saılaýdyń joǵary deńgeıde ótýine atsalysqan oblystyq jáne qalalyq shtabtardyń músheleri men jas kásipkerler, volonterler merekelik kóńil-kúılerimen bólisti.
«Biz – Máńgilik El úshin daýys berdik. Biz baıandy jáne berekeli ómir úshin daýys berdik. Biz eńbek etip, órkendeýge múmkindik jasaǵan Elbasymyz úshin daýys berdik. Bul jeńis – barsha qazaqstandyqtardyń jeńisi! Nursultandaı Kóshbasshysy bar halyq – baqytty halyq. Barlyqtaryńyzdy ortaq jeńisimizben quttyqtaımyn!», – dedi jas kásipker Bekzat Nurasylov.
Forým sońy aıtýly konsertke ulasty. Jergilikti jeztańdaı ánshilermen qatar, bul keshke arnaıy kelgen «Orda» toby men belgili ánshi Kámshat Joldybaeva jáne taǵy basqa estrada juldyzdary óskemendikterdi ónerimen tamsandyrdy.
Dýman Anash.
Derek: egemen.kz.
Sýret: Esimhan Orynbaev.
