Foto: Qostanaı oblysy PD
Jol apaty Torǵaı-Arqalyq tas jolynda bolǵan. Jeńil kólik júrgizýshisi tizginge ıe bola almaı, «GAZel» kóligine soǵylǵan.
«16 qyrkúıek kúni keshke Jangeldi aýdany «Torǵaı-Arqalyq» tas jolynyń 17-shi shaqyrymynda «Leksýs» kóligi men «GAZel» kóligi jol apatyna ushyrady. Eki kólik te bir baǵytta, dálirek aıtqanda Arqalyq qalasyna qaraı bara jatqan. Aldyn ala málimet boıynsha, Lexus avtokóliginiń 38 jastaǵy júrgizýshisi basyp ozý kezinde rýlge ıe bola almaı, ekinshi kólikke soǵylǵan», dep habarlady vedomstvonyń baspasóz qyzmeti.
Polısııa qyzmetkerleri atalǵan oqıǵa boıynsha qylmystyq is qozǵalǵanyn málimdedi.
