Foto: Aqorda baspasóz qyzmeti
«Memleket basshysy Ishki ister mınıstri Erjan Sádenovke qaskóılerdi ustap, zańnamaǵa sáıkes jaýapqa tartý úshin shuǵyl sharalar qabyldaýdy tapsyrdy», dep jazdy Berik Ýálı.
Ol sondaı-aq áskerdegi jáne basqa da kúshtik uıymdardaǵy zorlyq-zombylyqtyń barlyq faktisi Prezıdentke mindetti túrde baıandalatynyn tilge tıek etti.
«Mundaı jaǵdaılar baqylaýǵa alynady. Qasym-Jomart Toqaev bıylǵy 2 qyrkúıektegi Joldaýynda jas sarbazdardyń densaýlyǵy men abyroı-bedeline qol suǵýǵa jol bermeý qajet ekenine nazar aýdarǵan edi. Sonymen qatar bul máselege áskerı qurylymdardyń basshylary tikeleı jaýapty ekenin aıtqan bolatyn», delingen jazbada.
Aıta keteıik, áleýmettik jelide belgisiz bireýlerdiń áskerı kıimdegi jigitti uryp-soǵyp jatqany taspalanǵan beınematerıal taraǵan edi. Kóp uzamaı Ulttyq ulannyń «Batys» óńirlik qolbasshylyǵy bul oqıǵaǵa qatysty resmı málimdeme jasady.
«2024 jylǵy 23 qyrkúıekte «Batys» óńirlik qolbasshylyǵy Áskerı polısııasy QR QK 440-baby 1-bóligi «Áskerı qyzmetshiler arasyndaǵy ózara qarym-qatynastardyń jarǵylyq erejelerin buzý» boıynsha sotqa deıingi tergep-tekserýdi bastady», delingen resmı málimdemede.
