Foto: Senattyń baspasóz qyzmeti
Senattyń baspasóz qyzmetiniń málim etýinshe turǵyndar kezdesýler barysynda atom elektr stansasyn salýdyń artyqshylyǵy men qaýipterine qatysty suraqtar qoıdy. Kóbi ekologııalyq qaýipsizdik máselesine, qurylystyń qorshaǵan ortaǵa áserine, sondaı-aq aımaq ómirinde bolýy múmkin áleýmettik-ekonomıkalyq saldaryna nazar aýdardy. Depýtat jobanyń Qazaqstannyń jer qoınaýynan alynatyn otynyna táýeldilikti tómendetýge baǵyttalǵanyn túsindirip, jan-jaqty jaýap berdi.
Senator atom elektr stansasyn salý – keń qoǵamdyq talqylaýdy qajet etetin strategııalyq sheshim ekenin atap ótti. Onyń aıtýynsha, árbir azamattyń referendýmǵa qatysýy energetıka salasyndaǵy memlekettik saıasatty qalyptastyrýdyń mańyzdy bólshegi bolyp tabylady.
«Mańyzdy jobanyń barlyq máselelerin muqııat qarastyrýymyz kerek, óıtkeni ony júzege asyrý jaýapty jáne salmaqty uıǵarymdy qajet etedi. Biz barynsha ashyq bolýǵa umtylamyz. Sizder belsendi azamattyq ustanym tanytyp, aldaǵy referendýmǵa qatysasyzdar dep úmittenemin. О́ıtkeni, bul bizdiń energetıkalyq saıasatymyzdyń bolashaǵyn belgileıdi», dedi Baýyrjan Qanıev.
