Sheteldik baıqaýshylar daýys berýshilerdiń jas mólsherin de muqııat qadaǵalady

Gaagadan kelgen Basqarý já­ne tehnologııa salasy boıynsha táýelsiz keńesshi Djegjıt Sınh Dıllon men nıderlandt Living Values Education qorynyń prezıdenti Margaret Elızabet Ýrsýlaın Genrıet-Van Loon «Qazaqstan» qonaq úıiniń baspasóz klý­bynda BAQ ókilderimen kezdesti. Qazaqstan Respýblıkasy Pre­zı­dentiniń kezekten tys saı­­laýyna tikeleı qatysqan halyq­aralyq baıqaýshylar ózderi baqylaǵan aımaq – Almaty qalasy boıynsha eshbir zań buzýshylyqtar men teris áreketterdiń bolmaǵanyn málimdedi. «Almaty qalasy men oblysynda daýys berýshiler túske deıin jáne tústen keıin de saılaýǵa zor belsendilikpen qatysty. Iаǵnı, túski úzilisten keıingi ýaqytta da daýys berýshiler ózderiniń azamattyq mindetine adaldyq tanytty», – dedi nıderlandtyq baıqaýshylar. Baıqaýshylar eldegi saılaý­shylardyń jas mólsherine de erekshe kóńil aýdarǵan. «Halyqtyń barlyq ókilderi jas mólsherlerine qaramastan bul saılaýǵa bir kisi­deı qatysty», –  dedi shet­eldik baıqaýshylar. Iаǵnı, olar­dyń sózderine qaraǵanda, bul saılaýǵa halyqtyń basym kópshiligi qyzy­ǵýshylyq tanytyp qana qoımaı, óz mindetine adaldyq kórsete bilgen. Qanat ESKENDIR, «Egemen Qazaqstan». ALMATY.