Halyq qalaýyn qaltqysyz tanytty

Eshqandaı kemshilik kóre almadym

Vıktor FISENKO, Saılaýdy baıqaý jónindegi respýblıkalyq qoǵamdyq  komıssııanyń Qostanaı oblystyq fılıalynyń múshesi. Men aldymen  Qazaq­stan Prezıdenti  saılaýynda birinshi ret baıqaýshy bolǵanymdy maqtanyshpen jetkizgim keledi.  Jaýapkershilikti sezingenim sondaı, tańerteń saǵat 06.00-da saılaý ýchaskesiniń  aldynda turdym. Saılaý ýchaskesi  saılaý ótkizýdiń erejesine sáıkes saltanatty túrde ashyldy. Alǵashqy kelgen  saılaýshylarmen birge Qazaqstan Respýblıkasynyń Ánuranyn júregimizdi ustap turyp tyńdadyq. Saılaýdyń óte ádil, eshqandaı kinaratsyz ótýine №3 saılaý ýchaskesindegilerdiń  kúsh salǵanyn baıqadym. Saılaýshylar  bel­sendiligi óte joǵary bol­ǵanyn aıtar edim. Ási­rese, túske qaraı  saılaý­shylardyń kóp kelýine baılanysty olar uzyn kezekke turdy. Turǵyndar tizimnen tez tabylyp, bıýlletender der ýaqy­tynda berilip otyrdy. Tizimnen óziniń aty-jónin  kóre almaı,  kóńili jabyrqańqy bolǵandardy kórgenim joq.  Saılaýshylardyń  daýys berýdi uıymdastyrýǵa renishin esti­genim joq. Nasıhat, úgit materıaldary, artyq sóz bolǵan joq. Saılaý ýchas­kesinde qart kisiler men birinshi ret daýys berýge kelgen jastarǵa daýys be­rýdiń erejeleri túsindirilip otyrdy. QOSTANAI.

Taǵylymy mol boldy

Náıla NURBAEVA, «Qazaqstan Respýblıkasyndaǵy Saılaýdy baıqaý jónindegi qoǵamdyq komıssııa» RQB Shyǵys Qazaqstan oblystyq fılıalynyń múshesi. Shyǵys óńirinde Qazaqstan Respýblıkasy Prezıdent saılaý­y joǵary deńgeıde ótti dep aıta alamyn. Oǵan qoǵamdyq baıqaýshy retinde ózimiz kýá boldyq. Barlyq saılaý úderisi elimizdiń zańnamasy aıasynda júrdi. Saılaý ýchaskeleriniń árqaısysynda qoǵamdyq baıqaýshylar boldy. Iаǵnı, oblys kóleminde 1004 baıqaýshy jumys istedi. Al oblys ortalyǵy – О́skemende 115 baıqaýshy saılaý barysyn qadaǵalady. Olardyń ishinde muǵalimder, zeınetkerler, jastar da bar. Osy saılaýdyń ereksheligi, eshqandaı zań buzýshylyq tirkelgen joq. Saılaýshylar óz erikterimen ýchaskelerge kelip, daýystaryn berdi. Tipti, túske deıin kóptegen ýchaskelerde daýys berýdiń negizgi bóligi oryndalyp qoıdy. Saılaý ýchaskeleri de atalǵan saıası mańyzy joǵary naýqanǵa jan-jaqty daıyndalǵany kórinip turdy. Barlyq jerde daýys berý belgilengen ýaqytynda bastaldy. Bul saılaýdan bizdiń alar taǵylymymyz mol boldy. Eń bastysy, elimizdiń ishki birligi bekem, bolashaǵymyzǵa eshkimniń beıjaı qaramaıtynyn baıqadyq. О́SKEMEN.

Tańdaý negizi – senim

Gúlnár NASIMOVA, saıasattanýshy, Qazaqstan Saıasattanýshylar kongresi Almaty qalasyndaǵy ókildiginiń jetekshisi. Sarapshylar boljaǵanyndaı, 2015 jylǵa prezıdenttik saılaý saılaýshylardyń joǵary belsendiligin kórsetti. Búgin biz saılaý ınstıtýty demokratııalyq prosedýranyń asa mańyzdy quramdasy retinde bekigenin naqty aıta alamyz. Osy jolǵy saılaý naýqany qazaqstandyqtardyń táýelsizdik jyldarynda asa baı elektoratty tájirıbe jınaqtaǵanyn aıǵaqtap berdi. Biz azamattarymyzdyń joǵary jaýapkershiligin, olardyń joǵary elektoratty mádenıetin kórdik. Jumystyń OSK tarapynan, sondaı-aq, kandıdattardyń saılaý shtabtary tarapynan asa joǵary deńgeıde uıymdastyrylǵanyn atap ótpeı bolmaıdy. Bul úderisterde halyqqa saılaý barysy týraly tolyq­qandy aqparat alýǵa múm­kindik bergen BAQ-tardyń erek­she rólin de atap kórsetken jón. Saılaýǵa qatysty joǵary bel­­sendilik qazaqstandyqtardyń aza­mattyq beıbitshilik pen saıası turaqtylyqty saqtaý boıynsha baǵytty qoldaıtyndyqtaryn aıǵaqtap berdi. Búginde halyq óziniń saıası tańdaýyna elde bastalǵan reformalardyń tabystylyǵy men odan arǵy saıası damý úderisteri táýeldi ekenin aıqyn sezinedi.

Belsendilik – halyqtyq qoldaý kórinisi

Iýrıı BÝLÝKTAEV, saıasattanýshy. Daýys berý kúni basty is-qımyl tanytatyn tulǵa saılaýshy bolyp tabylatyny túsinikti. Jáne Qazaqstan elektoraty 26 sáýir kúni óziniń joǵary sanatyn kórsetip berdi – saılaý ýchaskelerine kelý deńgeıi 90 paıyz tóńireginde boldy. Bul, tutastaı alǵanda, álem boıynsha múldem kezdespeıtin deýge bolarlyqtaı deńgeı. Birinshi kezekte, joǵary belsendilik is basyndaǵy júıe zańdylyǵynyń aıǵaǵy bolyp tabylady. Ekinshiden, adamdardyń daýys berýge degen qalaýy qazaq­stan­dyqtardyń saılaýǵa halyq bıliginiń qaǵıdattaryn aıshyqtaıtyn demo­kratııalyq prosedýra retindegi qyzy­ǵýshylyǵynyń kórinisi degeni­miz de jón. Sondyqtan, Otanymyz­daǵy saılaýlar ulttyq mereke retinde ótip júr. Úshinshiden, joǵary belsendilik azamat­tardyń memleket isine óziniń qatys­tylyǵyn sezinýge degen umtylysynyń aıǵaǵy retinde kórinedi.

Bul – bolashaq urpaq aldyndaǵy jaýapkershilik

Erlan SAIYROV, saıasattanýshy. Saılaý tabysty ótti. Saılaý ýchaskelerine daýys berýge kelgender sany buryn-sońdy bolmaǵan deńgeıdi kórsetti. Bul jolǵy saılaýdyń taǵy bir ereksheligi – daýys berý kúnindegi merekelik sezimniń saltanat qurýy boldy. Mundaı sezim barlyq eldi mekenderde, qalalarda kórinis berdi. Adamdar saılaý ýchaskelerine ózderiniń bolashaq urpaq aldyndaǵy jaýapkershiligin sezine otyryp qadam basty. Saılaý úderisin daıyndaý menedjmenti buǵan deıingi saılaý dodalarymen salys­tyrǵanda eń tabystysy boldy desek, qateles­peımiz. Tabysty saıa­sı menedj­menttiń arqasynda osy jolǵy saılaý dodasyn ótkizý úderisterin joǵary baǵalaýǵa negiz bar. О́ıtkeni, halyqtyń saılaý úderisine qatysý mádenıeti, tutastaı alǵanda, qoǵam­dyq sa­nanyń jańa sapaǵa kóterilgenin kórsetip berdi. Qoryta aıtqanda, saılaý el­diń qoǵamdyq-saıası jáne áleý­mettik-ekono­mıkalyq ómirin­degi túbegeıli jańǵyrtýlarǵa daıyndyqtyń ózindik bir emtıhany sekildi áser qaldyrdy. ALMATY.