26 qyrkúıekte saǵat 08:30-da Balqash aýdandyq polısııa bóliminiń qyzmetkerleri Birlik aýylynyń mańyndaǵy Qonaev-Baqanas-Qaraoı tasjolynda ÝAZ avtokóligin tizgindegen Jetisý oblysynyń 58 jastaǵy turǵynyn ustady. Kólikti tekserý kezinde kólik salonynan tirkelgen oıyq uńǵyly jáne tegis uńǵyly ańshy myltyǵy, boljam boıynsha Qyzyl kitapqa engen qaraquıryq janýarynyń ushasy tárkilendi.
Kólikte úsh jolaýshy bolǵan. Olardyń ań aýlaýǵa lısenzııasy bolmaǵan.
Almaty oblysynyń polıseıleri zańsyz ań aýlaý deregi boıynsha qylmystyq is qozǵady. Ustalǵandar zań aıasynda ýaqytsha ustaý ızolıatoryna qamaldy.
Qazir qylmystyń barlyq mán-jaıyn anyqtaý úshin qosymsha tergeý júrgizilip jatyr.
