foto ashyq derekkózden
QR «Saýda qyzmetin retteý týraly» zańynyń 9 babyna sáıkes kásipker áleýmettik mańyzy bar azyq-túlik taýaryna satyp alý baǵasynyń on bes paıyzynan aspaıtyn mólsherde ústeme qosýy kerek. Zańnamada kórsetilgen erejege baǵynbaı, baǵany negizsiz kótergen josyqsyz kásipkerlerge jalpy somasy 1 mıllıon teńgege jýyq qarajat kóleminde aıyppul salynyp, qysqartylǵan túrde 461 500 teńge óndirildi.
«Bul zań buzýshylyqtar óńirdegi deldaldyq shemalardy anyqtaý boıynsha komıssııa jumysymen qatar, Ulytaý oblysynyń Saýda jáne tutynýshylardyń quqyqtaryn qorǵaý departamenti mamandarynyń elektrondyq shot faktýralarǵa turaqty taldaý júrgizýiniń nátıjesinde belgili boldy. Zań buzýshylyqtar áleýmettik mańyzy bar azyq-túlik taýarlary tizbesine kiretin súzbe, kúnbaǵys maıy, jumyrtqa, taýyq eti, qant, kúrish jáne rojkı ónimderiniń baǵasyn negizsiz kóterý kezinde anyqtalǵan», delingen QR Saýda jáne ıntegrasııa mınıstrliginiń habarlamasynda.
Sonymen qatar, Qazaqstan Respýblıkasynda jarııa shart jaǵdaıynda taýar ótkizý kezinde taýarlardyń baǵa japsyrmalaryn ornalastyrmaǵan 11 jeke kásipker QR «Ákimshilik quqyqbuzýshylyq týraly» kodeksiniń 193-baby 4-tarmaǵyna sáıkes jaýapkershilikke tartylyp, qysqartylǵan túrinde 129 220 teńge kóleminde aıyppul óndirilgen. Zań boıynsha taýar baǵasy el aýmaǵynda jarııa shart jaǵdaılarynda ony ótkizý kezinde teńgemen kórsetilýi qajet.
