Foto: Vedomstvo. Telegram
Úılestirý keńesine Sý resýrstary jáne ırrıgasııa mınıstrliginiń, BUU Damý Baǵdarlamasynyń (BUUDB) jáne basqa da halyqaralyq uıymdardyń, qarjy ınstıtýttarynyń, donorlyq qaýymdastyqtardyń jáne basqa da qurylymdardyń ókilderi kiredi.
Atalǵan mınıstrliktiń málimetinshe, Úılestirý keńesiniń negizgi mindetteri:
- Ulttyq basymdyqtarǵa sáıkes memlekettik organdardyń, BUUDB, halyqaralyq qarjy uıymdary men donorlyq qoǵamdastyqtyń kelisilgen is-qımylyn qamtamasyz etý. Keńes alǵa qoıylǵan maqsattarǵa jetý úshin qarjy jáne tehnıkalyq resýrstardy jumyldyrýmen jáne tıimdi bólýmen aınalysady.
- Negizgi strategııalyq qujattardy: Sý kodeksin, Sý resýrstaryn basqarý júıesin damytý tujyrymdamasyn jáne Sý salasyn damytýdyń keshendi josparyn ázirleýdi jáne iske asyrýdy qoldaý, sondaı-aq sý resýrstaryn turaqty basqarýdyń zańnamalyq bazasy men ınstıtýsıonaldyq tetikterin nyǵaıtý.
- Sý resýrstaryn basqarý salasynda ozyq halyqaralyq tájirıbe men ınnovasııalyq sheshimderdi engizý. Keńes bilim men tájirıbe almasýdy qamtamasyz etedi, mamandardyń áleýetin arttyrady jáne sý resýrstaryn turaqty basqarý qaǵıdattary týraly azamattardy habardar etedi.
- Birlesken kúsh-jigerdiń tıimdiligin baqylaý jáne baǵalaý tetikterin ázirleý men engizý.
- Sýdy basqarý salasyndaǵy aımaqtyq yntymaqtastyqty nyǵaıtý jáne klımattyń ózgerýine jáne qurǵaqshylyq pen sý tasqyny sııaqty tabıǵı apattarǵa tózimdilikti arttyrý.
«Úılestirý keńesin qurý eldegi uzaq merzimdi ekologııalyq turaqtylyq pen ekonomıkalyq damýdy ilgeriletý turǵysynda mańyzdy ról atqarady. Úılestirý keńesi resýrstardy jumyldyrýǵa, basqarýdy nyǵaıtýǵa, óńirlik yntymaqtastyqty keńeıtýge, sý resýrstaryn basqarýda turaqty tájirıbelerdi ilgeriletýge yqpal etetin bolady. Ujymdyq kúsh-jiger kún saıyn ózektiligi artyp jatqan klımattyq syn-qaterlerdi sheshý jáne Qazaqstan men jalpy Ortalyq Azııa úshin turaqty bolashaqty qamtamasyz etý boıynsha mańyzdy ról atqarady», dedi sala mınıstri Nurjan Nurjigitov.
