Foto: QR Bas prokýratýra
«2023 jyldyń maýsym aıynda jol polısııasy qyzmetkerleri Astana qalasynda jedel-aldyn alý is-sharalaryn júrgizý barysynda kúdikti basqarǵan avtokólikti toqtatyp, onyń salonynda jalpy salmaǵy 18,96 gramm bolatyn 15 «mefedron» baılamdary tabylǵan», dep habarlady Bas prokýratýranyń baspasóz qyzmeti.
Aıta keteıik, sotqa deıingi tergep-tekserý kezinde qoǵamnan oqshaýlanýǵa baılanysty emes bultartpaý sharasynyń tańdalǵanyn paıdalanyp, qaskúnem tergeýden jasyrynyp, soǵan baılanysty halyqaralyq izdeýge jarııalanǵan.
2024 jyldyń qańtarynda kúdikti Grýzııa aýmaǵynda ustalǵan. Qazirgi ýaqytta ol Qazaqstanǵa ekstradısııalanyp, Astana qalasynyń tergeý ızolıatoryna qamalǵan.
Kúdiktige 3 jyldan 7 jylǵa deıingi merzimge bas bostandyǵynan aıyrý jazasy qarastyrylǵan.
