Foto: «Egemen Qazaqstan» arhıvinen
Bas prokýror balalardyń ózine-ózi qol jumsaý tolqyny qoǵamda rezonans týdyrǵanyn tilge tıek etti.
«Prokýrorlarǵa ár fakt boıynsha tergeýdi erekshe baqylaýdy tapsyrdym. Jalpy, áleýmettik jeliler balalardyń sýısıd belsendiligine áser etetindikten prokýrorlar 15 myń zııan saıt pen siltemeni buǵattaýǵa qol jetkizdi», dep jazdy ol X áleýmettik jelisinde.
Berik Asylov Bas prokýratýra memlekettik organdarmen birlesip, sýısıdtiń aldyn alý boıynsha shuǵyl sharalar qabyldaıtynyn málimdedi.
«Sondaı-aq qıyn turmystyq jaǵdaıdaǵy otbasylarmen jumys istep jatyrmyz. Memlekettik organdarmen sýısıdtiń aldyn alý boıynsha shuǵyl sharalar keshenin ázirleıtin bolamyz», delingen Bas prokýrordyń jazbasynda.
