Fotolar: gov.kz
Qorǵanys mınıstrliginiń baspasóz qyzmetinen málim bolǵandaı, elordadaǵy Qarýly kúshterdiń Ulttyq áskerı-patrıottyq ortalyǵynda jaýyngerdiń týǵan-týystaryna jerleý ornynan ákelingen bir ýys topyraqty tabystaý rásimi ótti.
Mınýttyq únsizdikpen bastalǵan eske alý jıynyna «Qarýly Kúshterdiń ardagerleri» RQB tóraǵasynyń orynbasary otstavkadaǵy general-maıor Marat Naǵumanov, QR Qorǵanys mınıstrliginiń ókilderi, Aqmola óńirlik garnızonynyń áskerı qyzmetshileri, qaza tapqan sarbazdyń týǵan-týystary – Jarqyn Qyzynbaeva men Baqyt Mamyrov qatysty.
Álisher Qyzynbaev 1903 jyly Qyzylorda oblysynda dúnıege kelgen. 31 jylǵy ashtyq kezinde onyń otbasy О́zbekstanǵa kóshken.
Týysy Jarqyn Qyzynbaevanyń aıtýynsha, aǵasyn Buhara aýdandyq áskerı komıteti maıdanǵa shaqyrǵan.
«Soǵysqa deıin aǵamyz úılengen edi, artynda ósip qalǵan uly boldy. Habarsyz ketkenge deıin týystary odan birneshe qysqa hat aldy. Dalalyq poshta sońǵy habardy 1943 jyly jetkizgen, sodan keıin baılanys úzildi. Osy ýaqytqa deıin biz ony izdeýdi toqtatpadyq», deıdi ol.
Eki jyl buryn týystary izdeý saıttarynda derekterdi tapqan kezde úmit paıda bolǵan. Izdeýshilerdiń arqasynda jaýyngerdiń Reseıdiń Kýrsk oblysyndaǵy jappaı qabirge jerlengeni anyqtalǵan.
Marqumnyń týystary Qorǵanys mınıstrligi men izdeýshilerge alǵystaryn bildirdi. Búginde jaýyngerdiń urpaqtary elimizde, О́zbekstan men Qyrǵyzstanda turady. Jaqyndarynyń qalaýy boıynsha Álisher Qyzynbaevtyń topyraǵy týystary turatyn Buharaǵa jetkiziledi.
