foto: Qyzylorda oblystyq ákimdigi
Oblys ákimi Nurlybek Nálibaev qala turǵyndaryn jańa mekteptiń ashylýymen quttyqtady.
«Bıyl óńirdiń bilim salasyna bólingen qarjy 262 mlrd 100 mln teńgege jetip, oblys bıýdjetiniń 35,2 paıyzyn qurady. Ulttyq joba aıasynda 740 myń oqýshyǵa arnalǵan 369 mektep salynady. Osy jobamen óńirimizde 12 300 orynǵa laıyqtalǵan 21 mektep salý josparlanǵan, onyń 10-nyń qurylysy bastaldy. Jobany iske asyrý arqyly aımaǵymyzdaǵy 4 apatty jáne 3 beıimdelgen mekteptiń máselesi sheshiledi. Búgin respýblıkalyq bıýdjettiń tikeleı qarjylandyrýymen, "Samuryq-Qazyna" aksıonerlik qoǵamynyń úılestirýimen, 6 mlrd 851 mln teńgege salynǵan oblystaǵy alǵashqy 900 oryndyq "Jaıly mektep" el ıgiligine berildi. Bul ǵımarat Qyzylorda qalasynyń sol jaǵalaýy turǵyndarynyń memlekettik mektepke degen suranysyna tolyq jaýap beredi. Bilim ordasynda shákirtterdiń tolyqqandy bilim alýyna, ustazdardyń shyǵarmashylyqpen eńbek etýine barlyq jaǵdaı jasalǵan», dedi Nurlybek Nálibaev.
«Samuryq-Qazyna Konstrakshn» aksıonerlik qoǵamynyń basqarma tóraǵasy Máýlen Aımanbetovte jyly lebizin bildirdi.
Qyzylorda oblysy ákimdiginiń aıtýynsha jyl sońyna deıin 12 jańa mektep jáne 4 mektep janyndaǵy qosymsha qurylys aıaqtalyp, paıdalanýǵa beriledi. О́tken jyly 1 170 oryndyq 4 mektep, osy jyldyń basynda 550 oryndyq 2 mektep el ıgiligine berildi. Bıylǵy jańa oqý jyly qarsańynda Shıeli aýdanynda «Bilim berý ınfraqurylymyn qoldaý» qorynyń qarjylandyrýymen 100 oryndyq, Jańaqorǵan aýdanynda jergilikti bıýdjet esebinen 150 oryndyq mektepter el ıgiligine tabystalǵan.
