Foto: Mádenıet jáne aqparat mınıstrligi
Elimizdiń ár óńirindegi eriktiler qart adamdar úshin mádenı jáne demalys is-sharalaryn ótkizip, áleýmettik kómek kórsetip otyrady. Bul qarııalardyń ómirin jeńildetip qana qoımaı, qoǵamǵa qajettiligin sezinýge kómektesedi.
«Birgemiz: Qamqor» jalpyulttyq jobasy úsh jyl buryn jumysyn bastap, osy ýaqyttyń ishinde aıtarlyqtaı nátıjelerge qol jetkizdi. Respýblıka aýmaǵynda 8000-nan astam qart adamǵa qajetti kómek kórsetildi.
Qazirgi tańda jobaǵa qatysqan eriktilerdiń jalpy sany 6000-nan asty. Olardyń basym bóligi jastar, stýdentter jáne qarttardyń ómirin jaqsartýǵa úles qosqysy keletin azamattar. Osyndaı bastamalardyń arqasynda óskeleń urpaq pen qarttar arasyndaǵy baılanys nyǵaıyp, ózara kómek pen qurmet mádenıeti qalyptasyp keledi.
Aıta keteıik, eriktiler qozǵalysyna kez kelgen adam qosyla alady. Ol úshin daıyndyqtan ótýge múmkindik beretin onlaın-oqytý modýli quryldy. Búginge deıin joba aıasynda 3000 erikti oqytyldy.
