foto ashyq derekkóz
2023 jyldyń tamyz aıynda Jezqazǵan qalasynyń 22 jastaǵy jumyssyz turǵyny ınternet arqyly belgisiz adammen tanysady. Ol buǵan esirtki zattaryn saqtaý úshin tasymaldaýshy bolýdy usynady. Qyzǵa aqsha kerek bolǵandyqtan «kýrator» usynǵan shartqa kelisedi.
Onyń mindetterine esirtkini qabyldaý, olardy oraý jáne saqtaý, keıinnen oryndalǵan jumystyń kólemine qaraı aqy tóleý kirgen. Belgisiz tulǵamen aldyn ala sóz baılasý boıynsha adamdar tobynda áreket ete otyryp (materıaldar jeke óndiriske bólingen), ol paketterdi geolokasııa boıynsha alyp, olardy býyp-túıip, Jezqazǵan qalasynda 60 paketti satyp, onyń turǵan jerin sýretke túsirgen.
Jedel izdestirý is-sharalary barysynda esirtki tasymaldaýshy ustalyp, atalǵan paketter men telefon tárkilengen.
Tergeý barysynda «ketpeý týraly qolhatpen» júrgenine qaramastan, esirtki tasymaldaýshy Shahtınsk qalasyna qashyp ketip, qylmystyq áreketin uqsas shemamen sol jerde jalǵastyrǵan. Alaıda ol ustalyp, onyń turǵylyqty jerinen esirtki zattary, býyp-túıýge jáne býma jasaýǵa arnalǵan qurylǵylar tabyldy.
Qyzǵa elektrondyq aqparattyq resýrstardy paıdalana otyryp, bir top adamdarmen aldyn ala sóz baılasý arqyly asa iri mólsherde psıhotroptyq zattardy, sol tektesterdi ótkizý maqsatynda zańsyz saqtady degen aıyp taǵyldy (QK-niń 297-babynyń 3-bóliginiń 1), 2), 3 ), 5) tarmaqtary).
Onyń kinási kýálardyń aıǵaqtarymen, sarapshylardyń qorytyndylarymen, betbelgilerdiń fotosýretteri tabylǵan telefondardy qaraýmen, kýratormen hat almasýmen jáne basqa da is materıaldarymen dáleldendi.
Sottalýshy 10 jylǵa bas bostandyǵynan aıyryldy. Apellıasııa istiń barlyq mán-jaıyn zerdeleı kele, úkim zańdy jáne jasalǵan qylmysqa sáıkes dep tanydy.
Úkim zańdy kúshine endi.
