foto Moı gorod
Shafkat Jazılov aǵymdaǵy jyldyń kókteminde Báıterek aýdanyndaǵy Bogat kentine, egin sharýashylyǵyna maýsymdyq jumysqa kelgen. Sharýa qojalyǵynyń aýmaǵyndaǵy ýaqytsha ǵımaratta onymen birge taǵy 15 jerlesimiz turǵan. Sáýir aıynyń sońynda Jazılov pen onyń áriptesi Ýsarovtyń arasynda janjal týyndap, oǵan Ýsarovtyń óndiristik kásiporyn basshysyna jumysta bolyp jatqannyń bárin aıtyp bergeni sebep bolǵan.
«Mamyrdyń 9-y kúni keshke Jazılov pen taǵy on adam biriniń týǵan kúnin toılaýǵa kirisedi. Birneshe saǵattan keıin Jazılov pen Ýsarovtyń arasynda tańǵy as ázirleýge baılanysty taǵy da aýyzsha janjal týyndaıdy. Eleýsiz syltaýdy paıdalanyp, sottalýshy agressııa kórsetip, saraıdan balta alyp shyǵyp, qarsylasyna laqtyrǵan. Alaıda ol múlt ketedi. Jazılov sonda da tynyshtalmaı, qoradan aıyr alyp, Ýsarovty ózine shaqyrady. Sol kezde sharýa qojalyǵynyń basqa qyzmetkerleri sottalýshyny kóshege alyp shyǵady», dedi prokýror Jandos Jubanov.
Sosyn Jazılov benzın quıylǵan qutyny alyp, ǵımaratqa kirip, «bárińdi óltiremin» dep ydystyń qaqpaǵyn ashyp, janyp turǵan gaz plıtasyna laqtyryp jibergen. Oqıǵa ornynda birden órt shyǵyp, kúıik alǵan tórt er adam sol jerde kóz jumady, taǵy bir adam termııalyq kúıik alady. Olardyń arasynda Ýsarov bolǵan joq.
Memlekettik aıyptaýshy Jazılovtyń ekiden kóp adamdy óltirýine baılanysty, oǵan taǵylǵan aıypty tolyǵymen qoldaıtynyn jetkizdi.
Aıta keteıik, Shafqat Jazılov orys tilin múlde bilmeıdi, tek aýdarmashynyń kómegimen sóılesedi. Ol aıyptaý qorytyndysymen kelispeıtinin aıtty jáne alqabılerdiń sotqa qatysýynan bas tartty. Isti sýdıa Aslanbek Dúısenǵalıev qaraıdy.
