Atyraý prokýrorlary bıýdjetke 7,5 mlrd. teńgeni qaıtardy

ATYRAÝ. 28 qańtar. Atyraý oblysynyń prokýratýra qyzmetkerleri byltyr jergilikti bıýdjetke 7,5 mlrd. teńgeni qaıtardy. Bul týraly egemen.kz tilshisi habarlady. Oblys prokýrory Ǵalymjan Toǵyzbaevtyń málim etýinshe, memlekettiń ekonomıkalyq múddelerin qorǵaý maqsatynda 7,5 mıllıard teńge zalal óndirilip, bıýdjetke quıylǵan. Máselen, ıgerilmegen jerlerdi memleketke qaıtarý jumystary jalǵastyrylyp, alyp-satý joldaryna shekteý qoıý arqyly jalpy quny 2 mıllıard teńge bolatyn 2 500 gektarlyq 86 jer telimi memleket menshigine berildi. Memlekettik satyp alý zańdylyǵyn qadaǵalaý boıynsha engizilgen aktiler negizinde 2 konkýrstyń kúshi joıylyp, somasy 2,2 mıllıard teńge zalaldyń aldy alyndy. Sybaılas jemqorlyq kórinisterine qarsy júrgizilgen sharalardyń nátıjesinde 29 laýyzymdy tulǵa tártiptik, 9 tulǵa qylmystyq jaýapkershilikke tartyldy. Joldasbek Shópeǵul. Derek: egemen.kz. Sýret: altaynews.kz.